مرتضى منصور يكشف أسباب رفضه التعاقد مع ثنائي الإسماعيلي بعد اقترابهم من الانضمام للزمالك !!

كشف المستشار مرتضى منصور رئيس مجلس إدارة نادي الزمالك عم أسباب رفضه التعاقد مع ثنائي الإسماعيلي عبد الرحمن مجدي وباهر المحمدي خلال فتره الإنتقالات الشتويه الحاليه.

وكانت تقارير صحفيه قد أشارت لاقتراب الزمالك من التعاقد مع عبد الرحمن مجدي خلال اللحظات الأخيرة من فتره الانتقالات الشتويه ، الان ان الصفقه فشلت بسبب الاختلاف بين اداره الناديين .

وقال المستشار مرتضى منصور خلال تصريحات تلفزيونية عبر قناه الزمالك:”مع احترامي الكامل لموهبه عبد الرحمن مجدي وباهر المحمدي لو كانوا اخر اتنين لعيبه كوره مش هاخدهم” .

وواصل :”لو فكر الاسماعيلي بعد ما الاسماعيلي يقوم والاسماعيلي يفكر يبيعهم ماشي لان دول لاعبين موهوبين” .

وتابع :”بقول للعيبه الاسماعيلي اقف وراء النادي بتاعك لانه محتاجك ولو ليك مستحقات او مكافئات مش مشكله هتاخدهم ، الزمالك كان بيدي مكافئات ١٠ الاف جنيه ودلوقت بقوا ١٠٠ الف وبيجيلي عليهم مخالفات ، اقف وراء ناديك عشان محتاجك” .

وأضاف :”انا ممكن اشتري عبد الرحمن مجدي ولكن كده هبقى بوقع الاسماعيلي ، عبد الرحمن مجدي وعمر الوحش من الفواكه الموجودين في الاسماعيلي” .

وأكمل :”انا عندي الجهاز الفني عاوز عبد الرحمن مجدي ولكن معلش الاسماعيلي حالياً بيغرق ، انا عاوز ارجع الاسماعيلي ، كل الدعم للنادي الاسماعيلي”.

وشدد :”هقعد مع المحافظ ومع اداره الاسماعيلي اشوف وسائل الدعم هتبقى ايه ، في نادي خرب الاسماعيلي ودمره وفي نادي بيحب الاسماعيلي وعاوز يدعمه وبيقف جنبه “.

وأتم :”كنت في اجتماع مع وزير الشباب والرياضه وقالي كل الدعم للإسماعيلي وهنساعده ونشوف تقدر تساعده ازاي انت كمان” .