“هقول حاجه للتاريخ” … سيف زاهر يوجه رسائل ناريه للاعبي الزمالك بعد الأداء المتواضع وقبل بدايه المشوار الإفريقي!!
وجه الإعلامي سيف زاهر رسائل خاصه للاعبي الزمالك وذلك بعد الأداء المتواضع خلال الفتره الماضيه وأخرها أمام نادي فاركو ، وقبل ساعات قليله من بدايه المشوار الإفريقي .
إقرأ أيضاً| “المركب هتغرق” … ميدو يحمل هؤلاء مسئوليه سقوط الزمالك وانهياره الفتره الماضيه!!
وقال زاهر في تصريحات تلفزيونية عبر برنامج ملعب أون تايم:”عندي رساله للتاريخ للاعبي الزمالك ، لاعبي الزمالك بيقولوا اني جاي عليهم وانا هتكلم بصراحه” .
وواصل :”في اتنين لعيبه بعتولي بيشتكوا من كده ، واحنا هنا ليه مش بنتكلم مثلاً على امير ولا على المستشار مرتضى ولا فيريرا ؟”.
وتابع :”مش بنتكلم عنهم لان كل دول ممكن يمشوا عادي ولكن اللعيب هو الباقي ، لعيبه الزمالك دول علقنا ليهم الكهارب الموسم اللي فاتوا لما خدوا الدوري” .
وأكمل :”احنا منقدرش نقول غير انكوا لعيبه كبار ولكن انا برضو مقدرش منتقدش الاداء ، المستشار مرتضى موفر كل حاجه وامير وفيريرا موجودين ، لازم بكره تردوا عليا وتقولولي احنا لعيبه كبار يا سيف يا زاهر”.
وأتم :”لازم بكره تقولي انت صح لو كسبت ، وبكره تشوفوا لما تكسبوا احنا هنعمل ايه ، بس لازم تعرف انكوا لازم تفرحوا ناديكوا ، انا عندي ثقه انكوا هتفرحونا وتفرحوا جماهير الزمالك ، بكره باذن الله تكسبوا وتكسروا الدنيا”.
ويستعد الزمالك لملاقاه نادي شباب بلوزداد الجزائري وذلك في إفتتاحيه الفريق بدور المجموعات لدوري أبطال أفريقيا اليوم في تمام الساعة السادسه مساءً على ستاد القاهره الدولي.
