أبو جبل يوجه رساله من العيار الثقيل لجمهور الزمالك بعد فوز البنك الأهلي في كأس الرابطه!!-فيديو

أكد حارس مرمى نادي البنك الأهلي محمد أبو جبل ان الفوز على الزمالك هو نتاج عمل المدير الفني بابافاسيليو الجاد مع الفريق خلال فتره التوقف الدولي ، موجهاً الشكر لجمهور نادي الزمالك الذي دعمه خلال الفتره الماضيه.

إقرأ أيضاً| “هو إحنا مستباحين للدرجادي؟” .. مدحت شلبي يفتح النار على إمام عاشور بسبب حفل زفافه !!

وكان الزمالك قد خسر بثلاثيه نظيفه أمام نادي البنك الأهلي ، ليودع الفريق منافسات بطوله كأس الرابطه المحترفه من دور الـ 16.

وقال أبو جبل في تصريحات تلفزيونية عبر قناه أون تايم سبورتس:”بابافاسيليو دائما بيديني حقي ووضعي كقائد في الفرقه والحمد لله النهارده عرفنا ننفذ فكره” .

وواصل :”احنا كنا محتاجين فتره التوقف دي عشان شغله يظهر في الملعب، النهارده الفوز على الزمالك بيثبت فكره وبيثبت قدراتنا “.

وتابع :”انا بثق في اختيارات المنتخب وبثق فيهم وكل التوفيق ليهم ومش مهم موجود او لا المهم انا بقلبي معاهم ، وان شاء الله الفتره المقبله ابقى موجود معاهم”.

وشدد :”انا بشكر جمهور الزمالك طول عمره واقف جنبي وبيدعمني ، جمهور الزمالك واعي وشاطر وعارف مين هو ابو جبل وعارف اني اديت كل حاجه للفريق ومبخلتش بحاجه” .

وأضاف :”بتمنى الزمالك الفتره المقبله يرجع لمستواه ويعدوا الفتره الصعبه دي “.

وأتم :”فرصه سيف الي فبدايه اللقاء هي نقطه تحول المباراه وهي دي الفرص اللي بتفرق مع الفرق ، يمكن انا لعبت وانا مصاب ولكن كان لازم ابقى مع فريقي ، ٣ صفر نتيجه كبيره وهي دي اللي كنا محتاجنها عشان نرجع تاني في الدوري ونكمل المنافسه في كاس الرابطه”.

شاهد|