أمير مرتضى يكشف عن مفاجأت جديده وكواليس مدويه في انتقال امام عاشور لميتلاند الدنماركي!!-فيديو

كشف أمير مرتضى منصور المشرف العام على فريق الكره الأول بنادي الزمالك عن كواليس انتقال إمام عاشور لفريق نادي ميتلاند الدنماركي ، مؤكداً ان اللاعب كان يحق له التوقيع لأي فريق في يناير المقبل وليس بعد موسم ونصف كما تردد .

وقال أمير مرتضى في تصريحات تلفزيونية عبر قناه الزمالك:”ملف امام عاشور شبه ملف بن شرقي وطارق حامد و ساسي ، اللجان اعلنوا التجديد ولكن لما رجعنا النادي ملقتش العقود اصلا ولازم وقت معين يتوثق فيه في اتحاد الكره” .

وواصل :”نفس المشكله دي حصلت ايام لجنه اللواء عماد عبد العزيز مع شيكابالا وجنش وفتوح واوباما ، والعقود دي متوثقش غير مع حسين لبيب ، الوقت ده كان في لغبطه في النادي وملقتش العقود” .

وشدد:”امام عاشور على السيستم كان يمشي في يناير ، انا اتفاوضت مع يحيى وكيل امام عاشور وقولتله احنا هنديك نفس الارقام مع حسين لبيب ، وهو شاف ان الارقام دي بقت قليله عليه وفي شهود على الكلام ده اللي هو الوكيل نفسه” .

وأكمل :”هو طلب نستنى لنهايه عقده وده كان هيحطني تحت ضغط ، العرض بتاع ميتلاند لما جه لنادي الزمالك جه قبل ٤ ايام وكان بمليون دولار واترفض واتبعت عده عروض لحد ما وصلت ل٣ مليون دولار ، عرضنا على امام انه يجدد ويخرج اعاره وهو رفض وده حقه”.

وأضاف :”امام كان موجود في يناير واحنا بنخسر عادي ، امام كان شايف ان الفرصه مش هتيجي تاني وبرضو اتقال هيبقى كوبري للأهلي والكلام مش صحيح” .

وأردف :”امام عاشور لما جبته ب١٢ مليون جنيه برضو اتقال اهدار مال عام ودلوقت اتباع ب٣ مليون دولار ، اللعيب اتعرض عليه يجدد وهو رفض ومن غير ما يعمل مشاكل هو قال عاوز امشي واتفاوضنا لحد ما وصلنا انها اغلى صفقه في تاريخ الدوري الدنماركي”.

وإستطرد :”مصطفى محمد لما اتباع كان سعر الدولار ١٥ جنيه يعني اجمالي الصفقه حوالي حاجه و٨٠ مليون جنيه ، دلوقت بسعر الصرف ال٣ مليون دولار يعملوا حوالي ٩٠ مليون جنيه”.

وأكد :”اللعيبه عند الزمالك هيجلهم عروض لان الفرقه كلها نجوم ، بيحصل مقارنه بين فرق تاني اشمعنى مش بيجي عروض ليهم يمكن لانهم فرقه جماعيه كويسين لكن كأفراد مش عليهم الطلب” .

وواصل :”انا كان ممكن اجل المشكله دي للسنه الجايه وكان ممكن يروح اي نادي مصري لانه مجددش ، انا محبتش اضيع الفرصه على اللعيب ولا اضيع الفلوس على الزمالك خصوصاً ان النادي مكنش عنده فرصه في ظل رغبه اللاعب في الاحتراف” .

وتابع :”هنفترض ان امام عاشور اتباع بال٣ مليون دولار ونسبه بيع 10% ، ال٣ مليون هيتخصموا من قيمه الصفقه الجديده لو مثلا ب٥ مليون دولار وال١٠ فالميه من المبلغ المتبقي هتبقى حوالي ٢٠٠ الف دولار ، لا نادي الزمالك استفاد اقصى استفاده ماليه من الصفقه “.

وشدد :”يا كنت هاخد مليون او مليون ونص ونسبه اعاده بيع 10% وده كان هيبقى اقل من قيمه الصفقه اللي الزمالك.حصل عليها”.

وأتم :”في بعض الوجوه المتربصه بكل القرارات اللي بناخدها ، محدش بيرضي كل الناس ولكن في شخص مسئول مش هينفع مياخدش القرار ، اخر شخص ده بيبقى انا والمدير الفني ، احنا مش مشجعين احنا ناس مسئوله وبنبقى عارفين وحاسبين القرارات ، اللي بيتشتم هو اللي بياخد القرارات وده تمن العمل العام والناس المحطوطه في المسئوليه “.

شاهد |