“إحنا في 2023 ولسه فيه كده؟”.. إبراهيم فايق يجن جنونه على الهواء بعد أخطاء مدافع الزمالك !!

فتح الإعلامي إبراهيم فايق النار على أحمد فتوح لاعب نادي الزمالك بسبب أخطاءه في مباراه إنبي والتي ساهمت في خساره الزمالك للمباراه .

وخسر الزمالك أمام إنبي بهدفين مقابل لاشيء ، ليعود الزمالك لتذبذب النتائج بعد الفوز على الترجي التونسي في دوري أبطال أفريقيا.

وقال فايق في تصريحات تلفزيونية عبر برنامج جمهور التالته:” هذه الهزيمه اللي لما تيجي تبصلها ، هتلاقي انها بتبعد الزمالك بشكل كبير جداً جداً عن المنافسه ، مش بس على المركز الأول لا كمان على المركز التاني “.

وتابع :”الزمالك لعب ٢٠ مبارة تعادل في ٦ و خسر في ٥ و فاز في ٩ ، لك ان تتخيل ان دي ارقام حامل اللقب، الله يكون في عون جماهير الزمالك”.

وواصل :”فريق الزمالك بيعشم جماهيره انا رجعت اهو وقدام الترجي يعني كبير افريقيا ، وبعدين الماتش الي بعده على طول تلاقيه خد غطس لتحت خالص “.

وأضاف:” انبي فاز بهدفين وكان بامكانه انه يزيد الغله بأكتر من كده كمان ، لما تيجي تتفرج على هدف رفيق كابو هتلاقي حاجات مش موجوده في الكوره” .

وشدد :”ايه التشتيته دي بتاعه فتوح ؟؟ احنا في ٢٠٢٣ ولسه في كده ؟ ايه دي ايه علاقه دي بالكوره ؟! ،عبد الغني طالع كل ده ليه ؟ بعت مكانك مع ان الراجل كان بتاعه وهياخدها عادي” .

وأتم :”انا بكلمك في الاخطاء في التوب ليفل ، لعيبه من المستوى الاول ، وده مش في الزمالك بس ده فالاهلي كمان امبارح” .