هاجم أيمن يونس نجم نادي الزمالك السابق ومحلل قنوات أون تايم سبورتس الحالي البرتغالي جيسوالدو فيريرا المدير الفني لفريق الكره الأول بنادي الزمالك بعد الهزيمه أمام إنبي في الدوري.
وخسر الزمالك أمام نادي إنبي بهدفين مقابل لاشيء ، ليعود الزمالك لتذبذب النتائج بعد الفوز على الترجي التونسي في دوري ابطال افريقيا.
وقال يونس في تصريحات تلفزيونية عبر قناه أون تايم سبورتس:”منطقه نص الملعب هي القلب وهي الفكر،المنطقه دي مفيهاش اي ابداع “.
وواصل :”ممكن يتقال الارهاق ولكن ما الراجل بيثبت التشكيل عشان مباراه بلوزداد، زيزو النهارده اقل مبارياته من ساعه ما انضم للزمالك”.
وتابع :”لعيبه الزمالك أدائهم عادي ولعيب الزمالك مينفعش أداءه يبقى عادي”.
وأكمل :”الاهداف اللي دخلت في الزمالك مينفعش تيجي بالطريقه دي خصوصاً الهدف التاني لعيبه الزمالك كلهم مديين ضهرهم للكوره” .
وشدد :”الهدف التاني لعيبه انبي كلها فاضيه ولعيبه الزمالك كلها مش ماسكه حد ، الراجل جاب اول جول في تاريخه برجله الشمال”.
وأتم :”فين فيريرا وفين المسافات بين الخطوط، وازاي الزمالك مش عارف يضغط انبي في منقطته وبنلعب في ٧٠ و٨٠ متر،ده ماتش لعيبه الزمالك وجمهور الزمالك لازم يزعلوا عليه” .
