“الكوره بتتقطع منه زي السلام عليكم”..إبراهيم فايق ينفجر في لاعب الزمالك بعد الخساره من إنبي!!
فتح الإعلامي إبراهيم فايق النار على محمد أشرف روقا لاعب نادي الزمالك وذلك بعد الخساره أمام إنبي بهدفين مقابل لا شيء في بطوله الدوري.
وكان الزمالك قد خسر أمام نادي إنبي بهدفين مقابل لاشيء ، ليعود الزمالك لتذبذب النتائج بعد الفوز على الترجي التونسي في دوري أبطال أفريقيا.
وقال فايق في تصريحات تلفزيونية عبر برنامج جمهور التالته:”هذه الهزيمه اللي لما تيجي تبصلها ، هتلاقي انها بتبعد الزمالك بشكل كبير جداً جداً عن المنافسه ، مش بس على المركز الأول لا كمان على المركز التاني” .
وواصل :”فريق الزمالك بيعشم جماهيره انا رجعت اهو وقدام الترجي يعني كبير افريقيا ، وبعدين الماتش الي بعده على طول تلاقيه خد غطس لتحت خالص “.
وتابع :”انبي فاز بهدفين وكان بامكانه انه يزيد الغله بأكتر من كده كمان ، لما تيجي تتفرج على هدف رفيق كابو هتلاقي حاجات مش موجوده في الكوره” .
وأكمل :”الراجل بيحط البينيه بمنتهى السهوله، الكلام ده بيحصل في دفاع الزمالك انتوا متخيلين ؟ “.
وشدد :”روقا في الجول التاني بيفقد الكوره زي السلام عليكم وعليكم السلام كده ! عم علي ظبط وهوب باليمين جول” .
وأردف :”الدقيقه ٧٥ رفيق كابو واخد الكوره من جوله ولا عنتره ابن شداد ، بيعدي من الاول والتاني الراجل جزار مش هامه حد بس مظبطتش معاه في الاخر” .
وأتم :”انا بكلمك في الاخطاء في التوب ليفل ، لعيبه من المستوى الاول ، وده مش في الزمالك بس ده فالاهلي كمان امبارح “.
