“بيحاسب على اخطائكوا” .. إسلام صادق يدافع عن نجم الأهلي ويفتح النار على كولر والاداره!!

فتح الإعلامي اسلام صادق النار على اداره الأهلي والمدير الفني مارسيل بعد فضيحه صن داونز ، مؤكداً ان محمد الشناوي لا يتحمل أخطاء الجهاز الفني والاداره وحده ولا يتحمل نتائج الأهلي السيئه الفتره الماضيه.

إقرأ أيضاً| ميدو يوجه رسائل ناريه للاعبي الزمالك بعد النظام الجديد لكأس العالم للأندية!!

وقال صادق في تصريحات تلفزيونية عبر برنامج البريمو:”الناس كلها سابت الاخطاء الاداريه و الصفقات اللي مضافتش وماسك في الشناوي”.

وواصل :”الناس سايبه اللاعبين اللي مش بيقوموا بدورهم في الملعب وانا بختار كلمات مهذبه للوصف ، انا حملت الشناوي مسئوليه رباعيه فلامينجو وريال مدريد . ولكن الشناوي مش هيتحمل اخطاء لجنه الكره “.

وتابع :”مش هيتحمل اخطاء لجنه التخطيط ، مش هيتحمل اخطاء محمد عبد المنعم ولا هيتحمل اخطاء كولر اللي مش عارف طبيعه اللاعب المصري” .

وشدد :”محمد الشناوي بيتحمل مسئوليه فشل المهاجمين ، بيتحمل مسئوليه رحيل عبد الله السعيد ورمضان صبحي ، بيتحمل اصرار كولر على التغيير الكتير في التشكيل وعدم الثبات . شويه يلاعب كهربا بعدين يستبعده ، شويه حسين يلعب وشويه لا ، شويه طاهر وشويه لا” .

وأتم :”الشناوي يتحمل جزء من المسئوليه ولكن يتحملها مع لجنه التخطيط ومع لجنه الكوره وكولر والاداره”.