خالد الغندور يسخر من الأهلاويه بعد مخاوف “تفويت” صن داونز بدوري أبطال أفريقيا!!
سخر الإعلامي خالد الغندور من مخاوف جمهور النادي الأهلي من احتماليه “تفويت” نادي صن داونز الجنوب إفريقي لمباراه الهلال من أجل الإطاحه بالنادي الأهلي من دوري أبطال إفريقيا .
وأستعان الغندور من سخريه الجمهور الأهلاوي في وقت سابق على نفس الواقعه عندما طلب الزمالك من الترجي لعب مباراه المولوديه بنزاهه في النسخه قبل الماضيه من دوري أبطال أفريقيا.
وقال الغندور في تصريحات تلفزيونية عبر قناه الزمالك:”احنا وضعنا في بطوله افريقيا احسن من الاهلي ، الاهلي لو كسب القطن هيستنى نتيجه الهلال ولو اتعادل او كسب مبروك خلاص للهلال” .
وواصل :”مجموعتنا مجموعه قويه ، مفيهاش فريق حصاله بيتغلب من كل الفرق زي القطن الكاميروني، ملعب المباراه كويس و الجماهير هناك في الجزائر محبه للكوره ، المباراه في توقيت مميز الساعه ٩ يعني فرصه كويسه تبرز امكانياتك”.
وتابع :”الاهلي عنده كل حاجه ، مجلس اداره مستقر وفلوس بالهبل واتحاد كوره مساند بصوره مش طبيعيه” .
وشدد :”بيعجبني اوي لما السوشيال الاهلاويه اتريقت على فيريرا عشان قال للرمادي العب بنفس الاسلوب قصاد الاهلي وتلاقيه بيقولك هههه طب ملعبتش انت ليه من الاول ، الترجي يسيب المولوديه يتأهل تلاقيهم بيقولوا طب ومتكسبش انت ليه ، دلوقت بقا يتقال لمدرب صن داونز العب بجد واكسب اهو عادي”.
وأتم :”بعيدها تاني ، لو الزمالك اتأهل دور ال٨ الزمالك هيروح في حته بعيده جداً في البطوله ، النفسيه هتستقر والمستشار مرتضى خارج والفلوس موجوده وفلوس امام عاشور دخلت ، الماتش ده هيودينا في حته تانيه” .
