كشف خالد الغندور عن كواليس جديده في أزمه تسريب عقود لاعبي الزمالك والتي انتشرت بشكل كبير خلال الفتره الماضيه .
وأنتشرت على مواقع التواصل الإجتماعي العديد من عقود اللاعبين مثل مصطفى شلبي و نبيل عماد دونجا و سامسون أكينولا و أخرهم الراحل زكريا الوردي .
إقرأ أيضاً| “صفر .. مبيعملش حاجه” .. حازم امام يفتح النار على نجم الزمالك بعد التعادل مع بيراميدز !!
وقال الغندور في تصريحات تلفزيونية عبر قناه الزمالك:”اللي بيسرب عقود اللاعبين متأمر وأهبل ، لانه بيسرب العقد بعد الماتش مباشره ، وبيختار اللاعبين زي مصطفى شلبي و دونجا وزكريا الوردي اللي رجع الفلوس ومشي وبيلعب في الرجاء دلوقت اصلا” .
وواصل :”الراجل مشي اصلا وتقولي هيقعد ٥ سنين يبني ما هو مشي ، لكن ده ممكن يبقى صحفي عاوز يعمل سبق صحفي فيرشي واحد عنده قدره يسرب العقود” .
وتابع :”طب اعمل كده في لاعب من الزمالك وواحد من الاهلي وواحد من المصري وواحد من بيراميدز عشان يبقى على كله” .
وأكمل :”لكن نيجي بعد الماتش يتسرب مصطفى شلبي فالواد نفسيته تتحطم والناس تبصله في رزقه فأداءه في الملعب يقل” .
وشدد :”ده اللي بيعمل كده واحد قاعد على العقود ومتفق مع الشخص اللي بيظبطه بقا ، هو انت بتطلع العقود ليه ؟ يا اما انت مرتشي معندكش ضمير ، يا اما انت كاره للزمالك والمستشار مرتضى وعاوز توقع الزمالك” .
وأتم :”الزمالك عنده ناس مسئوله عن العقود واتحاد الكره عنده ناس مسئوله عن العقود ، الصور دي متاخده من على السيستم لان جوده الصور مش شكل عقد بيتفتح ويتصور لا ده متاخد من على السيستم”.
