تعجب الإعلامي خالد الغندور من تناول الإعلامي أحمد شوبير لملف عقوبه الهارب كهربا والتي اصدرت لجنه الإنضباط قراراً لم ينفذ حتى الأن بإيقافه وذلك بسبب سبه للزمالك بعد مباراه الاهلي في الدوري على حد قول الإعلامي أحمد شوبير .
وكان الإعلامي أحمد شوبير قد صرح في وقت سابق ان لجنه الإنضباط قد أصدرت قرار بإيقاف الهارب كهربا بعد واقعه سبه للزمالك مع جمهور الأهلي ، مؤكداً ان العقوبه لن تنفذ الا بعد استنفاذ كافه درجات النقض .
وقال الغندور في تصريحات تلفزيونية عبر قناه الزمالك:”الاهلي عنده كل حاجه ، مجلس اداره مستقر وفلوس بالهبل واتحاد كوره مساند بصوره مش طبيعيه” .
وواصل :”لجنه الانضباط اصدرت قرار بايقاف كهربا وهما مش راضيين يفتحوا الجواب ، هو ايه ده يا جماعه ؟ طب نستنى لبعد مباراه صن داونز ، الاهلي خسر طب لبعد مباراه القطن ، لكن مع الزمالك ادبح على طول امام عاشور ايقاف ١٠ ماتشات وشيكابالا ٨”.
وشدد :”وبعدين هو هل يعقل اعلامي زميل يطلع على قناه عامه يقول ان كهربا اتوقف ٦ او ٨ مباريات بس مش هيتوقف يعني لان الاهلي هيقدم طعن والمستشار عادل الشوربجي ممكن يصدر كمان يوم طب شهر طب سنه وبعدين حتى لو اترفض هيروح للكاس ولو اترفض هنروح للفيفا وحلني بقا، هو قال كده بالنص ، هو في كده يا جماعه”.
وأكمل :”واحد قل ادبه وأخطأ بالصوت والصوره ، اتحاد الكوره مرعوب وخايف وقلقان يفتح الجواب عشان يقول كهربا موقوف، ولسه بتسألوا الكوره عندنا بتتأخر ليه ؟ ما شيكابالا اتوقف وامام عاشور أتوقف وفرجاني ساسي اتوقف” .
وأتم :”انت طول ما بتخاف من الانديه وشعبيتها وخايف على كرسيك يبقى على الدنيا السلام ، انت مش بس واقف في مكانك لا انت بترجع للخلف در”.
