خالد عبد العزيز ينتقد إتحاد الكره و يؤكد :”بندير الكوره غلط ومبنعرفش نجيب محترفين”!!-فيديو
أكد المهندس خالد عبد العزيز وزير الشباب والرياضة الأسبق ان منظومه إداره الكره حالياً اصبحت لا تناسب العصر الحالي ، مؤكداً أن الانديه المصريه لا تعرف كيفيه استقطاب محترفين مميزين الفتره الأخيره .
إقرأ أيضاً| “صفر .. مبيعملش حاجه” .. حازم امام يفتح النار على نجم الزمالك بعد التعادل مع بيراميدز !!
وقال عبد العزيز في تصريحات تلفزيونية عبر قناه القاهره والناس:”عندنا كل الظروف اننا نلعب كره قدم كويسه ، واننا يبقى عندنا منتخبات كويسه ،بقالنا فترات كبيره بندير كره القدم بطريقه كانت ممكن تكون ناجحه زمان ولكن الظروف دلوقت اتغيرت “.
وتابع :الظروف الرياضيه والعلميه والاقتصاديه اتغيرت ودي وجهه نظري الشخصيه ودورنا اننا نعرض وجهات النظر على اتحاد الكره وهو يقرر ،لو انا مثلا بعمل معسكر لمنتخب مصر وانا بعتمد على المحترفين طيب لو مفيش محترفين هعمل معسكر لمين”.
وأكمل :”لو انا عندي محترفين كتير مثلا ٤٠ او ٥٠ محترف هيبقى فيه اختيارات كتير للمدير الفني وهو يختار مين الأنسب اللي ممكن يلعب ماتش كمان ٧٢ ساعه” .
وأضاف :”لما انت بتجيب مدير فني اجنبي وانا معترف انه مدير فني ممتاز ، لكن هو هيقعد يتفرج على ٨ شهور دوري وبعدين هيجيب ال١٠ محترفين يلعب بيهم طب هو بيتفرج على الدوري ليه” .
وواصل :”مع كل احترامي المدير الفني الاجنبي بياخد فلوس كتير اوي وفالاخر هيجي ماتش ٢٤ مارس يجيب المحترفين قبلها ب ٤ ايام يتدربوا تمرينتين وبعدين يلعبوا “.
وشدد :”انا لازم اربط الكلام ده بالظروف الاقتصاديه ، هل انا بصرف الكلام الكتير ده عشان فالاخر ٧٢ ساعه ، انا لازم افكر في الانديه بتاعتي هل بالظروف الاقتصاديه دي هستمر اعرف ادفع للمحترفين والمدربين ؟ انا سنه ممكن اقدر ولكن هل السنه اللي بعدها هقدر ؟ “.
وأردف :”الرعايه مبقتش زي زمان ، والبث التلفزيوني مبقاش زي زمان الرعايه عندها ظروف اقتصاديه برضو ،انا لازم اعمل منتج اصدره لبرا عشان ادخل بيه عمله حره ، المنتج ده هيكوم الشباب اللي هصدره لبره “.
وأتم :”احنا مبنعرفش نجيب لاعبين محترفين ولو بيجوا بيجيبوا بأسعار كتير وغاليه جدا ، اذا كنت تقدر تجيب لاعب زمان بمليون دولار ومليون ونص دولار دلوقت لازم تشوف الظروف الاقتصاديه”.
شاهد |
