أكد محمد أبو العلا نجم نادي الزمالك السابق و محلل قنوات أون تايم سبورتس الحالي أن خساره الزمالك لخمس مباريات خلال 20 مباراه هو مؤشر خطر بالنسبه للزمالك .
وخسر الزمالك أمام نادي إنبي بهدفين مقابل لاشيء ، ليعود الزمالك لتذبذب النتائج بعد الفوز على الترجي التونسي في دوري ابطال افريقيا.
وقال ابو العلا في تصريحات تلفزيونية عبر قناه أون تايم سبورتس:”انا حسيت ان الزمالك نازل وهو مستبعد الدوري، الرتم اللي نزل بيه يقولك انه مش بينافس على الدوري” .
وواصل :”الرتم مش سريع ومفيش ثنائيات والالتحامات كلها لانبي ، هل اللعيبه مركزه اكتر على افريقيا ؟ هل اللعيبه استبعدت الدوري خلاص ؟ “.
وتابع :”كان باين ان انبي هيلعب على رد الفعل و الهجمه المرتده وهتكتل ورا، ده حله اني العب على الاطراف وده محصلش الزمالك كان من غير حلول”.
وشدد :”الزمالك لعب ٢٠ مباراه في الدوري خسر ٥ وده رقم كبير اوي ، لازم يبقى فيه مراجعه لان ده مؤشر لشئ سئ” .
وأتم :”الزمالك مكنش محضر للمباراه بدليل انه معرفش يوقف علي فوزي ورفيق كابو ، انت لو وقفت الاتنين دول انبي كله وقف خلاص ، انا احساسي ان الزمالك نزل المباراه وهو بعيد عن الدوري خلاص ، مع انك لو كسبت ماتشاتك هتعمل ضغط على كل الفرق اللي فوق” .
