فتح الإعلامي عمرو أديب النار على كل المسئولين عن الحال المتدهور الذي وصل إليه النادي بدءاً من مجلس الإداره الذي لم يحافظ على قوام الفريق الأساسي وحتى وزاره الرياضه المتخبطه في قراراتها بشأن أزمه وجود رئيس النادي في منصبه من عدمه بعد حبسه على ذمة قضيه سب محمود الخطيب رئيس النادي الأهلي.
وقال أديب عبر برنامجه الحكايه على فضائيه إم بي سي مصر:”عمرو أديب: امبارح كانت هزيمة مهينة.. اللعيبة لا عندها هدف ولا روح ولا عايزة حاجة… الماتش الوحيد اللي خلص بنتيجة مل الماتشات بلنتيات وندية”.
وواصل “جمهور الزمالك حزين ومتضايق.. يا جماعة اعملوا اللي انتوا عايزينة هاتوا اللي انتوا عايزينة ، شوفوا اللي انتوا عايزينة،انما المشهد دة مينفعش ، وحد يطلع يقولك النادي أعظم واكبر، لا أعظم ولا أكبر احنا بنتهان بقينا تريقة بقينا مسخرة، مين السبب في الكلام دة ايه اللي بيجري في الكلام دة ،مش عارفين نثبت مدرب من ابناء النادي او غيرة ، مش عارفين نعمل اي حاجة “.
وتابع “حرام عليكم اللي بيتعمل فينا والله حرام، مقدرش احمل اي لاعب اي حاجة، الراجل المدرب قام مغير ٣ لعيبة دخل ٣ أجوان في ٧ دقايق ولو كمل كانوا زادو، معقولة اللي بيحصل دة لمصلحة مين”.
وتابع :”انا عايز اسأل الناس المبسوطين جوا نادي الزمالك ، المبسوطين برة النادي فاهم مبسوطين ليه، ايه اللي يبسط في النادي، ايه اللي بيحصل في النادي عظيم ، ايه المؤامرة اللي معمولة؟ دة احنا المؤامرة قلب المؤامرة من جوا، انت حد مسؤول ان انت مبتجيبش مدرب حد مسؤؤول ان اللعيبه اللي جبتها كلهم مش نافعين ومجبتش لعيب عدل وانك بتخسر كل الماتشات، وان اللعيبة معندهاش روح ، وانك مشيت كل اللاعيبه اللي شامه نفسها عندك ، كل دي مؤامرة”.
وأكمل:” نواجه نفسنا يا جماعة، الوضع من سيئ لاسوء وبالمناسبة احنا كنا قبل كدا من غير مجلس إدارة خالص وخدنا دوري،كان متعين لنا مجلس إدارة، كسبنا دروي وكاس وكان ممكن النادي دة يكمل، الاهلي مش منور قوي ولا في أحسن حالاته إنما أنت اللي تدهورت “.
وأردف :”انا عايز اعرف الدولة بتتفرج ليه الدولة محسسانا يوم اه ويوم لا بتكتب علي شطر وتسيب سطر ، النادي دة بتاع الدولة الفلوس دي فلوس الدولة .. فلوس الناس لية محدش عايز يتصرف،انا مبقولش تصرف معين،انا بقول شوية استقرار النادي يشم نفسه”.
وأستكمل :”طب ماشي يا جماعة انتوا كلكوا مالكمش رأي .. الرأي عند مين.. ما نكلمونا بصراحة، الرأي في الموضوع دة عند مين مين الباشا اللي عنده الرأي في الموضوع مين اللي هيقولنا الحكاية ايا كانت ابيض اسود بردقي اي لون انتوا عايزينة”.
وإستطرد :”قاعدين في نادي خناقات مجلس إدارة خناقات رئيس النادي و المؤامرات الدولة هو مين اللي عملني هو مين اللي وداني والمعركة الاسطورة مع محمود الخطيب طب وبعدين يا عم اعمل اللي انت عايزة لو بتكسب والله ما هتكلم لو النادي دة طالع يعني في السماء هقول والله اه ناس عندها خلافات وخناقات ومعارك بس النادي في سابع سماء “.
وتابع :” محدش فاهم حاجة انا اري ان مش طرف واحد المخطئ كل الأطراف مخطئة كلها ،لان في حالة سلبية جوا النادي وبرة النادي ومن الدولة ومن وزارة الرياضة ومن كل الناس ، حالة سلبية شديدة ، كل يوم هو في شأن، اه هنشوف اه لا لسه لما نروح فين ، اه تعالي نلف وارجع تاني ، لا هو القانون بيقول كدا ، لا هو القانون مبيقولش كدا لا هو في اللائحة الاسترشادية، لا الاسترشادية ملغية”.
وواصل :”دي دولة دي دة قانون ولا مدينة ملاهي ولا مرجحية، اش معني الزمالك عندنا ١٧-٢٠ نادي تاني ، اش معني الزمالك اللي عامل كدا ،كل النوادي عندها مشاكلها وازماتها المالية بس مش بالشكل دة ليه احنا بس اللي بالشكل دة”.
وشدد :السؤال مين عايز ايه اظن السؤال واضح ,مين عايز ايه دة فوق دة كله وتلاقي ناس تقولك الدولة واقفة جنب الزمالك دي كدا واقفة ، امال لو قاعدة هتبقي عاملة ازاي دة خلاص مفيش شيء يمكن فهمة ، انت مش فاهم ايه الحكاية. يوم كدا ويوم كدا مرة كدا ومرة كداانما دة يقولك لا هو القانون دة تقولوا طب يالا دة يقولك لا مش دة هنعمل لجنة طب اللجنة نعلمها يقولك لااا مش لجنة طب هيا ايه اقولكم هيا ايه، هيا الفوضي ان النادي يتحول لخرابة “.
وأتم :”المهم يعني خلاص ، علي فكرة علي مدي سنوات فصول الزمالك الباردة كثيرة وبايخة ومؤلمة لكن السنة دي بجد اسوء سنة مفيش اسوء من كدا كان بيبقي النادي برضو واقف علي رجلية،النادي دة عايز يقف علي رجلية علشان الموسم الجاي الموسم دة انتهينا”.
