رد عصام مرعي رئيس قطاع الناشئين في الزمالك على تصريحات بدر حامد رئيس القطاع السابق بشأن مدرب فريق2005 بالنادي.
وكان بدر حامد رئيس قطاع الناشئين السابق قد قال: “اللي بيحصل في قطاع الناشئين بالزمالك هو نتاج طبيعي للي بيحصل في النادي والإدارة، فريق 2005 وده من احسن فرق النادي بيدربه واحد بتاع تنس طاوله وملوش علاقه بكره القدم بيمسك الفريق، محمد حلمي لما اعترض عليه مشوه ، وده من اسباب ان قطاع الناشئين متدمر.
وقال عصام مرعي في تصريحات تليفزيونيه عبر قناة “إم بي سي مصر” :” في طبيعتنا واخلاقنا اتعلمنا دايما اننا لو شغالين جوا او برا النادي صعب اني اجرح في زمايلي او اتكلم كلام وحش عن نادي الزمالك”.
واضاف: “لكن من طبيعتنا اننا ندي روشتات او نصايح لاننا عاوزين الزمالك دايما في احسن شكل ، احنا لحم كتافنا من نادي الزمالك ودي طبيعتنا”.
وشدد مرعي:” تجربه نعمان تجربه جيده وناجحه الولد ماشي بشكل مفاجئ وماشي تاني ورا النادي الاهلي ، احنا كنا متخوفين والراجل فاجئنا انه تصدر الدوري حوالي ٧ اسابيع ولكن لقله الخبره لانه ٢٤ سنه تراجع للمركز الخامس، نعمان رجع بالفريق تاني للمنافسه واصبح مركز تاني وماشي بشكل كويس جدا”.
واردف: “دور فرق الناشئين انها تطلع لاعبين مش انها تكسب البطوله ، الفريق طلع كمان للفريق الاول لاعبين بقوا نجوم الفريق الأول زي حسام عبد المجيد وسيد نيمار وسيف فاروق ومحمد طارق وده الهدف من فريق ٢٠٠١ .
واختتم:” فريق ٢٠٠٣ بقا فيه عدد من اللاعبين يلعبوا فريق اول بامتياز وعندهم القدره الكامله لذلك”.
