فرج عامر يعلن موقفه من رحيل خالد عبد الفتاح نهائياً للأهلي .. ورد صادم بخصوص تعاقد سموحه مع سافيو!!

كشف المهندس فرج عامر رئيس مجلس إدارة نادي سموحه عن موقف ناديه من بيع خالد عبد الفتاح للنادي الأهلي وتفعيل بند الشراء في عقده ، مؤكداً ان سموحه ليس في حاجه للتعاقد مع برونو سافيو .

وقال عامر في تصريحات تلفزيونية عبر برنامج اللعيب :”مبروك على الاهلي خالد عبد الفتاح وانا مقدرش ارفض طلب للنادي الاهلي ، الأهلي ياما وقف جنبي وادانا لعيبه” .

وواصل :”لينا برضو علاقات جيده مع كل الانديه زي الزمالك واي حد هيعاملنا كويس هيبقى فوق دماغنا “.

وتابع :”حسام حسن لو عاوزين نشتريه هنفعل بند الشراء لاننا لما اشتريناه كان في بند احقيه شراء “.

وأضاف :”قيمه انتقال حسام حسن النهائيه ؟ انا اعلن ولكنها امور تعاقديه والعقد شريعه المتعاقدين والكابتن الخطيب طلب ميتمش الاعلان” .

وأكمل :”انا فاوضت ايمن اشرف في يناير وكان نفسي ناخده في يناير والاهلي مرضيش وقال لا ، ايمن قائد وعمل تاريخ كبير في سموحه وايمن ده ابني وسموحه بيته” .

وشدد :”هل ممكن نتعاقد مع سافيو ؟ لا ودي وجهات نظر انا عندي لاعب في مكانه اسمه محمد عصام هيروح المنتخب ، انا مش مقتنع بسافيو ، انا مقدرش ادفع عقد سافيو والاهلي معرضش عليا سافيو ،الاهلي هيطلب في سافيو مبلغ مقدرش عليه “.

وأردف :”انا عندي لاعب في سموحه بتفاوض مع نادي بلجيكي على ٢٠ مليون جنيه ، اتفاجئت ان في وكيل داخل في النص قولتلهم لا مش هدفع جنيه للوكيل ولو عاوزين ادفعوا انتوا ، انا طلبت منهم يدفعوا نص الفلوس قبل ما اوقع العقد” .

وأتم :”مصطفى ميسي هيعيد تجربه احمد عبد القادر ومعتقدش الاهلي هيفرط فيه ويسيبه لسموحه” .