أكد سامي الشيشيني مدرب الزمالك السابق أن البرتغالي جيسوالدو فيريرا المدير الفني لفريق الكره الأول بنادي الزمالك لابد من أن يرحل ، مؤكداً أن الفريق بحاجه لمدرب أجنبي يقوم ببناء الفريق بعد الإخفاق هذا الموسم .
إقرأ أيضاً| “منظرك سخيف وغريب” …هيثم فاروق يفتح النار على لاعب الزمالك بعد الخروج من دوري أبطال أفريقيا!!
وكان الزمالك قد ودع رسمياً مسابقه دوري ابطال افريقيا ، وذلك بعد الخساره أمام فريق شباب بلوزداد الجزائري بهدفين دون مقابل.
وقال الشيشيني في تصريحات تلفزيونية عبر برنامج ملعب أون تايم:” الوضع حالياً صعب اصل العيب في الجهاز الفني ؟ لا ، فيريرا كده كده معندوش اللي يقدمه ولازم يمشي”.
وواصل :”لعيبه الزمالك تكمل لاخر الموسم ولكن بعد الموسم معظمهم يمشي ولكن المشكله تجيب مين ؟ لو في اجنبي دلوقت يبقى احسن انت كده كده خسرت الدوري والكاس وخرجت من افريقيا هاته يبني” .
وشدد :”لو مصري يبقى خالد جلال ولكن انا افضل طارق مصطفى انت اديت لميدو وخالد جلال ومؤمن سليمان اديلوا ، ولكن وجهه نظري لازم مدير فني اجنبي يجي يبني دلوقت” .
وتابع :”شخصيه الزمالك انك تدخل وتخوف اي فرقه راحت ، الناس مبقتش تخاف من الزمالك وكله عاوز منك ال٣ نقط” .
وأتم :”مش اقل من نص فريق الزمالك معندوش اللي يقدمه ، بس همشيهم اجيب مين عدد اللعيبه في الدوري مبقاش مميز ، عندنا ٥ محترفين لازم يبقى في منهم ٤ اساسين وابني عليهم ، لكن متجبليش خمسه فاشلين واجيبهم بملايين الاقيه دكه ، لعيب جايبه يشيلني اقوم انا اللي اشيله”.
