“ليه الأڤوره الدوري كده كده ضاع” .. خالد الغندور يواصل تصريحاته “العجيبه” بعد التعادل مع بيراميدز!!

أكد الإعلامي خالد الغندور أن التعادل مع بيراميدز نتيجه مرضيه ، خاصه أن الزمالك يعيش حاله من التخبط الفني والإداري وابتعد بشكل كبير عن المنافسه على لقب الدوري .

إقرأ أيضاً| “صفر .. مبيعملش حاجه” .. حازم امام يفتح النار على نجم الزمالك بعد التعادل مع بيراميدز !!

وقال الغندور في تصريحات تلفزيونية عبر قناه الزمالك:”الغريب جداً ان تسريب العقود بيبقى دايما بعد المباريات ولكن ده ليه دلاله معينه ، حتى لو الارقام مش صحيحه” .

وواصل :”الزمالك بيعيش فتره فنيه مش على المستوى ، ولكن احنا اتعادلنا مع فرقه كبيره، فرقه قويه معليهاش ضغوط والزمالك بيمر بمستوى فني هابط “.

وتابع :”ليه الأفوره الغير طبيعيه على الماتش واحنا خسرانين من اسوان ومتعادلين مع الداخليه في اخر ثانيه” .

وشدد :”انا مش عاوز اضحك على الناس احنا كده كده بعيد عن الدوري ، مبحبش اضحك على الناس ، هل التعادل مع بيراميدز جريمه او كارثه يعني ؟” .

وأضاف :”السنه اللي فاتت كنا احسن من كده بكتير على المستوى الجماعي والمستوى الخططي لفيريرا وعندنا مجلس اداره والجمهور ساعتها قال كويس جداً نتعادل مش مهم نكسب المهم منخسرش “.

وأتم :”الهجوم على اللاعبين غير مبرر خصوصاً ان عندنا ماتش في البطوله الأهم اللي لو كسبنا بكره رجعنا تاني بكل بقوه لحسابات التأهل “.