فتح الإعلامي مدحت شلبي النار على الأهلي ولاعبيه ، وذلك بعد الهزيمه المدويه والسقوط المخزي أمام نادي صن داونز الجنوب إفريقي في دوري أبطال أفريقيا.
وكان الأهلي قد خسر مباراته أمام نادي صن داونز بخماسيه مقابل هدفين ، ليقترب الأهلي من الخروج المخزي من دور المجموعات بدوري أبطال أفريقيا.
وقال شلبي في تصريحات تلفزيونية عبر برنامج مساء أون تايم:”الارهاق بقا هو الشماعه واي فريق يتغلب يقولك على طول الارهاق . احنا عندنا شماعتين واحده للبدل وواحده للقمصان ، اول ما اتغلب في مسابقه كبيره زي دوري الابطال اروح لشماعه البدل وهي الارهاق” .
وواصل :”مبدأيا النادي بيقيد ٣٠ لاعب ، اي لاعب بيتمنى يلبس التيشيرت الابيض او الاحمر و النادي بيحط رجل على رجل ويختار اللاعب”.
وتابع :”اي ولي امر اول ما بيلاقي ابنه بيلعب كوره بياخده جري على قطاع الناشئين وبعدين النادي رجل على رجل يختار من الالاف المؤلفه وبياخدو احسن لعيبه في مصر “.
وشدد :”المفروض يبقى في ٦ او ٧ لاعبين من المرحله السنيه جاهزيه للفريق الاول ، اذا احنا بنتكلم ان معاك على الاقل ٣٤ او٣٥ لاعب متقوليش ارهاق” .
وأكد :”صن داونز لسه مخلص ماتش وكسب خمسه ولسه من يومين تلاته كسبان الأهلي خمسه ، الانديه الكبيره مبيفرقش معاها وعندها ذخيره كبيره جدا”.
وأتم :”فمسأله الارهاق الله يخليكوا بلاش منها بقا لانها قدمت” .
