مفاجأه من العيار الثقيل ولأول مرة .. خالد الغندور يكشف الشخص وراء تسريب عقود الزمالك!!
كشف الإعلامي خالد الغندور عن المتسبب وراء تسريب عقود لاعبي الزمالك وخاصه الصفقات الجديده والتي تعاقد معها الزمالك مطلع الموسم الحالي ، مؤكداً أن ما يحدث هو حرب ممنهجه تجاه نادي الزمالك.
وإنتشرت خلال الفتره الماضيه ظاهره تسريب عقود لاعبي الزمالك عبر مواقع التواصل الإجتماعي مما أثار غضب لاعبي الزمالك والجماهير على حد سواء.
وقال الغندور في تصريحات تلفزيونية عبر قناه الزمالك:”في حاجات اه اكيد مننا وسبب في مستوى الفريق الحالي ولكن في حاجات مش مننا ، تخيل تيجي تتكلم على نادي يتم تسريب عقود لعيبته يا جماعه دي حرب والله”.
وتابع :” ممكن واحد يسرب عقد لاعب واحد ولكن مش كل دول و العقود بتتسرب في توقيتات وعقود لعيبه مختلفه طول الوقت يبقى اذاً ده ممنهج ، ده واحد عامل حرب على اللعيبه والنادي ومرتضى منصور” .
وأضاف :”هو مين اللي بيسرب العقود دي كلها ،هو اللي بيسرب ده ايه هدفه يعني ؟ سبق صحفي ؟ ما لو سبق صحفي يبقى اكتب اسمي واقول استطعت الحصول على هذا الانفراد لكن اللي بيسرب بينزل على السوشيال ميديا ويبتدي حملات وصحفيين يشيروا من بعض والناس تروح لفكره يا نهار ابيض ده بياخد ملايين وكأن ده مفاجأه ان في لعيبه بتاخد ملايين في الزمالك وبيراميدز و الاهلي عادي” .
وواصل :”انت اتعاقدت مع اللاعبين بمبلغ معين قبل ما سعر الدولار يرفع انت مثلا اشتريت والمليون دولار عاملين ١٥ مليون جنيه دلوقت بقا ب٣٠ بقا الدابل” .
وأتم :”الاستاذ ممدوح عباس فضل يسرب يسرب يسرب العقود وفالأخر قدم بلاغ للنائب العام هو و استاذ كمال شعيب بتهمه اهدار المال العام”.
