هاجم نجم نادي الزمالك السابق ومحلل قنوات أون تايم سبورتس الحالي أيمن يونس نجم نادي الزمالك سيف فاروق جعفر وذلك بعد الأداء المتواضع أمام إنبي .
وخسر الزمالك أمام نادي إنبي بثنائيه نظيفه في بطوله الدوري المصري الممتاز ، ليعود الزمالك لتذبذب النتائج بعد الفوز على الترجي التونسي في دوري ابطال افريقيا.
وقال يونس في تصريحات تلفزيونية عبر قناه أون تايم سبورتس:”الزمالك واضح انه مش بيفكر في المباراه ، المناطق الدفاعيه في الزمالك كلها اخطاء ولولا عدم استغلال انبي للاخطاء كانت النتيجه هتبقى ازيد “.
وواصل :”منطقه نص الملعب هي القلب وهي الفكر،المنطقه دي مفيهاش اي ابداع” .
وأكمل :”ممكن يتقال الارهاق ولكن ما الراجل بيثبت التشكيل عشان مباراه بلوزداد، زيزو النهارده اقل مبارياته من ساعه ما انضم للزمالك”.
وشدد :”سيف جعفر النهارده مكنش مركز غير مع الحكم وده مينفعش ، العيوب النهارده كانت كتير” .
وواصل :”انا عارف ان لعيبه الزمالك بتفكر في مباراه بلوزداد عشان الحلم اتفتح تاني ولكن المباريات دي مينفعش تخسرها كده ، اللعيبه مستسلمه ، اللعيبه لازم تتفرج على نفسها عشان يزعلوا “.
وأتم :”ده ماتش لعيبه الزمالك وجمهور الزمالك لازم يزعلوا عليه” .
