مهيب عبد الهادي يكشف القصه الكامله لإصابه شيكابالا .. ورد فعل صادم من اللاعب تجاه الزمالك!!-فيديو

كشف المصور الصحفي أحمد مصطفى ” المقرب من شيكابالا” في مداخله مع الإعلامي مهيب عبد الهادي كواليس اصابه شيكابالا وحقيقه الإصابه ، وذلك بعد إنتشار الكثير من الإشاعات التي اثيرت في هذه المسألة.

وقال الصحفي أحمد مصطفى في تصريحات تلفزيونية عبر برنامج اللعيب :”شيكابالا الفتره اللي فاتت كانت صعبه جدا ، هو بدء يتعافى شويه ، احنا اصحاب شيكابالا وبنسافى معاه بشكل كبير” .

وواصل :”كنا بنشوفه فالفرح والتعب والتعب المرادي كان شديد ، اعراض التعب كان صداع بشكل كبير جداً” .

وتابع :”دكتور محمد اسامه طلب منه تحاليل للكورونا و للدم ، هو كان شاكك لكورونا ولما عملها طلع نسبه الورم في الدم كبيره على حسب معلوماتي في الطب ، تحاليل كورونا في الاول كانت سلبيه” .

وشدد :”نسبه الورم في الدم كانت ٣٦ ، شيكابالا لما رجع من ماتش الترجي الدكتور محمد اسامه عربيته اتعطلت ومقدرش يتابع مع شيكا فكلمه في التليفون لما عرف انه ٣٦ قاله دي نسبه عاليه جدا ولازم تبقى ٦ بس “.

وأكمل :”شيكابالا لما لعب مباراه الترجي في تونس لون البول كان متغير بشكل كبير جدا وكان مقلق ، لما رجع مصر دكتور اسامه تابع معاه بالتحاليل ، والاعراض كانت أشد من كورونا لاني حضرته لما كان مصاب بكورونا وكان عادي” .

وأردف :”الدكتور اسامه لما كلمه قاله انا مش عارف انا عندك ايه انا مش عارف احدد انت عندك ايه ، الصداع كان بيجي لشيكابالا بشكل نرفزه مكنش طايق حد” .

وأكد :”اللي مضايق شيكايالا ان بقالنا ١٠ ايام النادي منزلش اي حاجه رسمي من النادي ، وده خلى جمهور الزمالك غلطان لان كان متقال نزله برد ومفيش نزله برد بتقعد ١٠ ايام” .

وأضاف :”شيكابالا مرحش لدكتور متخصص لانه كان متخيل انه نزله برد ، شيكابالا مستاء جداً من اشاعات خناقه مع فيريرا ، وبعدين هيتخانق ليه ده ملاعبه ٧٠ دقيقه في رادس ، وفيريرا مكلمه من ٣ ايام بصوره وديه وقاله احنا مستنينك في التمرين” .

وإستطرد :”شيكابالا مستاء ان النادي مقالش اي حاجه رسمي عن حالته وان ازاي ١٠ ايام مينزلش بيان بحالته او يتكلم عنه ، ده في تقارير طبيه مأكده الكلام اللي بنقوله ده ، نادي الزمالك مؤسسي يعني الجهاز الفني بيقدم تقرير للمدير الفني” .

وتابع :”قناه الزمالك نفت نفسها بخبرين عكس بعض ، واهل شيكابالا اتخضوا من الخبر الي اتذاع فدكتور اسامه حب يحنن الدنيا شويه” .

وأتم :”شيكابالا غالباً هينزل بيان يشرح فيه كل حاجه عن الوضع اللي بيحصل” .

شاهد |