فتح هشام يكن النار على لاعبي الزمالك وذلك بعد تدهور النتائج وقبل مباراه الترجي الحاسمه في دوري ابطال افريقيا.
وقال يكن في تصريحات تلفزيونية عبر برنامج البريمو :”الفريق محتاج دعم افضل من كده بكتير ف لعيبه كويسه ومحتاجه وقت، وبجيب لاعب ب20 مليون علشان لسه عاوز وقت ولا هو يجي يظهر من البدايه ويحرز لي اهداف”.
وواصل:” الكرة اصبحت بيزنس لازم اجيب لاعب جاهز مليون٪، ليه بنطلب مبالغ كبيره المفروض اللاعب اللي جاي يجي يكسبني الدوري، الزمالك بيصرف المبالغ دي من احل البطولات ، هو انا دافع الفلوس دي علشان انافس ع المركز ال5 وال6 واخرج من افريقيا لازم نتعامل”.
وتابع :”في مشاكل لكن انا لاعب محترف متاثرش ومادام متكلموش ف فلوس يبقى واخدين مستحقاتهم والي بيعانوا العمال والموظفين ،الجماهير عاوزه اللاعب بيخلص الماتشات ويجيب بطولات، اجيب لاعب اسمه سامسون مشوفتش لحد دلوقتي وشوف تمنه اد ايه”.
وأكمل:” اجيب لعيبه ب200 مليون و400 مليون ومالوش تأثير ومش عاوز اهبط انت نتيجتك ايه مع الزمالك ،لو المدير الفني بيختار اللعيبه بالشكل ده مفتكرش ان فيريرا طلب النوعيه دي”.
وأضاف:” عمر جابر من ابناء الزمالك وياما عمل للنادي ممكن مستواه اللي متعودين عليه وتقدر ترجعه وهو الخامه كويسه جدا وتقدر تشتغل معه فني كتير علشان توقفه ع رجله لانه نجم، اقعد معه وناس بتوع علم نفس ويشوفوا اللعيبه ليه في تذبذب بالمستوى”.
وشدد:” اللعيبه بياخدوا ارقام كبيره ومفيش مقابل، تعاقدمع 5 لعيبه ومشوفناش منهم حاجه، بقول للاعبي الزمالك ركزوا انتم لعيبه كويسه وعلشان تبقى كويس اشتغل ع نفسك، انت عارف يعني ايه لابس تيشرت الزمالك وملهاش دعوة بميولك الاصليه”.
وأردف:” في تذبذب بالمستوى وتغييرات بتحصل كتير وبيتمتغيير في كل عناصر الفريق ومفيش ثبات للتشكيل واتعودنا انك تثبت تشكيل وبيخصل تغييرات بدوافع معينه او حد بيدلع “.
وإستطرد :”التغيير بيحصل مبقتش عارف اداء اللعب عامل ازاي اللاعبين اصبحوا بيلعبوا بشكل فردي، انت عندك خلل بالفريق ومش معنى ان كان لاعب كويس ف فرقته يكون كويس للزمالك”.
وواصل:” لازم اللعيبه تعرف انها بتلعب ف افريقيا وتلعب بدوافع وحماس اكبر ويموت تفسه لصالح الجمهور لانه مستنيك تكسب واذا معملتش ده فانت لاتصلح للعب في الزمالك”.
وتابع:” واذا مش قادر تتحمل تيشرت الزمالك امشي، شوف الجماهير عاملين ازاي انا مش بقييمك انت اللي بتخلي الجمهور يقول يازمالك يامدرسه لعب وفن وهنذسه كل اللعيبه يعرفوا ان ماتش مصيري نكون اولانكون مش قد المسئوليه بسيطه قول مش قادر”.
وأتم:” لازم تستعد للبطوله العربيه شكل جيد لانك مصنف وفي مهمه وطنيه وتطلع احسن ماعندك رجل عاوز تحترف وعاوز تاخد ارقام كبيره عندك الدول العربيه بتدفع لو عاوز الكلام ده لازم تثبت وجودك”.
