“هو أي حد يدرب الزمالك ؟” .. مجدي عبد الغني يلقن عبد المقصود درساً بعد السقوط أمام البنك الأهلي!!
فتح الإعلامي مجدي عبد الغني النار على أحمد عبد المقصود مدرب الزمالك في مباراه البنك الأهلي بعد الخروج الكارثي من كأس الرابطه .
إقرأ أيضاً|”هو إحنا مستباحين للدرجادي؟” .. مدحت شلبي يفتح النار على إمام عاشور بسبب حفل زفافه !!
وكان الزمالك قد ودع بطوله كأس الرابطه ، وذلك بعد الخساره أمام نادي البنك الأهلي بثلاثيه نظيفه.
وقال عبد الغني في تصريحات عبر صفحته الرسمية على موقع التواصل الإجتماعي فيسبوك:”نادي الزمالك مينفعش يخسر بال٣ يا جماعه ، مشاكل دفاعيه كتير جدا لا تقولي الونش ولا ١٠٠ ونش الدفاع كله محتاج تنظيم”.
وواصل :”نادي الزمالك محتاج وقفه ومحتاج تنظيم ومحتاج ابنائه يتكتاتفوا معاه ، وبحيي الأهلي انه انسحب من البطوله لا تعنيهم في شئ ولا تعني للمنتخب والكوره المصريه في شئ” .
وتابع :”تحسهم عاملين البطوله عشان مكسوفين يلغوها لكن هي مفيهاش فايده” .
وأكمل :”هزيمه الزمالك بال٣ دي تبعاتها مش كويسه وهتشوفوا الايام الجايه ،واحد يقولي طب البنك الاهلي هياخد ثقه ، اقوله انا وانا صغير كنت لقيت حموكشه عمل تاريخه كله بجول في الاهلي وعادي”.
وأضاف :”مع احترامي للمدير الفني للزمالك النهارده ولكن انا فعلا معرفش هو مين ولا اعرف اسمه ولا شكله حتى” .
وشدد :”يعني هل ده مدرب معتمد وكده يعني ولا ايه ؟ جايز يكون مدرب كويس وليه مستقبل لكن هو اي حد ينفع يقف على الخط في نادي الزمالك ؟ “.
وأتم :”نادي الزمالك اسم كبير في الكره المصريه مش اي حد ينفع يقف على الخط ويدرب الكلام ده مش ممكن يا جماعه”.
