“واخدين صيت على الفاضي ” … شادي محمد يفتح النار على الجميع بعد فضيحه صن داونز المدويه !!-فيديو

فتح شادي محمد نجم النادي الأهلي السابق النار على لاعبي الأهلي والجهاز الفني والاداره ، وذلك بعد السقوط المدوي أمام صن داونز في دوري أبطال أفريقيا.

وكان الأهلي قد سقط سقوط مدوي بالخمسه أمام نادي صن داونز الجنوب إفريقي ، ليصبح الأهلي قاب قوسين أو أدنى من الخروج المخزي من دور المجموعات بدوري أبطال أفريقيا.

وقال شادي محمد في تصريحات تلفزيونية عبر قناه الحدث اليوم :”مفيش شخصيه في الملعب ، في حاجه اسمها لما العب كتير يبقى عندي خبرات”.

وواصل :”ممكن اعمل خطأ تكتيكي عشان امنع هدف محقق ، اسمع الاهلي كبير واكبر من اللاعبين ، اللاعبين مستسلمين ومتراخين “.

وتابع :”وبعد كل اللي بيحصل ده يتقالي فوق سطح البحر وتحت البحر وكلام فارغ ، بندور على حجج اصل عندهم جماهير واحنا لا ، اصل ارضيه الملعب وحشه “.

وشدد :”هو فين راس الحربه اللي يليق بالنادي الاهلي ؟ انا بعشق تراب الاهلي زيي زي اي حد ، احنا الاهلي لما بخسر بنتقطع”.

وأضاف :”احنا محتاجين احلال وتبديل ، اللي مش متحمل الضغوط قاعد بيعمل ايه ؟ ، اللاعب بيجي يعمل نفسه مفيش منه اتنين و7 ستار ، وفالاخر بنلاقيه عادي ولا اي حاجه” .

وأكد :”انتوا مش بتتكلموا عشان خايفين على المناسب ولا ايه ، اصل انا خايف اتكلم عشان فلان ميزعلش”.

وأردف :”كل أجيال الأهلي لعبت عشان ترفع اسم النادي ، جيل شادي محمد وابو تريكه الجيل ده لا يقارن مع اي حد مع احترامي للجميع “.

وإستطرد :”الجيل ده كان بينيم افريقيا من المغرب ، الجيل ده كان بيكسب افريقيا كل سنه ، الجيل ده خلى جمهور الاهلي يدي ضهره للملعب عشان واثقين في الفوز” .

وواصل :”انا بتكلم بصفتي الكابتن التاريخي للنادي الاهلي ، بقول ان عدد البطولات اللي جت بتوقيت صغير مش كبير ، شمال افريقيا لما كانت بتقع مع المنتخب مكنوش بيناموا ، لما كانوا بيقعوا مع الانديه المصريه مكنوش بيناموا “.

وأتم :”النادي الاهلي ينقصه الكثير ، لما اخسر خمسه واخرج من افريقيا مينفعش اقول كولر بس ، المنظومه كلها مش مظبوطه ، هل مطالب المدير الفني اتنفذت ؟ ، هل اخطاء المدير الفني اتصلحت ؟ هل اللاعبين نفذوا التعليمات ؟ ،بشوف ان في لاعبين واخدين صيت وبروباجندا وسوشيال ميديا” .

شاهد |