اخبار الزمالك

تعليق صادم من مرتضى منصور على خسارة الزمالك دوري اليد!!

علڨ المستشار مرتضى منصور رئيس نادي الزمالك على خسارة الفريق الأول لكرة اليد بالفارس الأبيض لقب الدوري لحساب الأهلي.

وقال مرتضى في تصريحات عبر قناة الزمالك: “المدير الفني الأجنبي الراجل كارلوس ده اللي درب منتخب المكسيك في كاس العالم وخرج المانيا ودرب باراجواي وخد ١٧ بطوله ، احنا بعتناله تذاكر الطيران خلاص ، الحمد لله لحد دلوقت متشتمش يعني”.

وأضاف:” المدير الفني ده بتبقى توفيق من ربنا، ممكن تجيب مدير فني كبير ومكسر الدنيا وميعملش حاجه وممكن تجيب مدرب غلبان ويحقق نجاحات، .

وشدد مرتضى: “بقول للمجموعه اللي بتروح تحضر ماتشات الزمالك دول مش معقول كل شويه تشتموا اللعيبه كل ماتش ويجيلي فاتوره ٨٠٠ الف جنيه تكسير كراسي”.

وأردف:” مش انت اللي طلعت فيريرا السما وبعدين قولتلي يخربيتك على يخربيته ، انت اللي طلعته السما وانت اللي نزلته الارض” .

وواصل مرتضى: “اللجنه اختارت من مدرب كولومبي واسبناني والماني ، واخد بالك يا حازم انت وايمن يونس ؟ هما دول الزملكاويه اللي بجد ، عيب تكلموا ميدو تقولوله سيبك منه ومتقفش معاه، وعلى فكره ميدو لما جه شاف اني اسد بجد وبعمل ايه”.

وأشار:” واللي بيقول الجهاز الفني بتاع العشرين السودا، يبني الناس دي واخدين اكتر من ١٧ بطوله ، مش عبد المنصف ده اللي قلع تيشيرت الاتحاد ولبس تيشيرت الزمالك لما كسبنا الدوري ؟ واحمد مجدي ده عامل دراسات برا وفاهم شغله اوي ، والراجل جايب معاه المساعد الأسباني بتاعه ، يا جماعه ندي فرصه للناس تشتغل”.

وأوضح: “بعدين انا خسرت دوري اليد في اخر ثانيه معناه اني بنافس اهو ، والسله ادينا شوفنا اللي حصل مع المحترف وانا كلمت ابو فريخه قولتله هو انتوا بتعملوا ايه ما الخط مش واضح ، لو كنا جبنا النقطتين والنقطتين بتوعهم متحسبوش كنا هنكسب .

وأختتم:” بتمنى الجمهور يصبر على اللعيبه ، عندنا احسن لعيبه الجداد والقدام ، وانا بتحدى اسلام صادق يطلع يكذب انه قالي انه بيجتهد في حوار اللعيبه المجمدين اللي قال اساميهم ، اما الواد شبانه المزور احنا شطبنا عضويته وعارفين بيعمل كده ليه وبيشتم ليه”.
.

تعليقات زوار الموقع

اخبار ذات صلة