أعلن المستشار مرتضى منصور رئيس مجلس إدارة نادي الزمالك عن المدير الفني الجديد لنادي الزمالك خلفاً للبرتغالي جيسوالدو فيريرا.
وكان الزمالك قد أعلن عن فسخ تعاقده مع البرتغالي جيسوالدو فيريرا المدير الفني لفريق الكره الأول بنادي الزمالك ، وذلك بعد الخروج من دوري أبطال إفريقيا وتدهور النتائج.
وقال مرتضى منصور في تصريحات تلفزيونية عبر قناه الزمالك:”المدير الفني الأجنبي الراجل كارلوس ده اللي درب منتخب المكسيك في كاس العالم وخرج المانيا ودرب باراجواي وخد ١٧ بطوله ، احنا بعتناله تذاكر الطيران خلاص ، الحمد لله لحد دلوقت متشتمش يعني”.
وتابع :”المدير الفني ده بتبقى توفيق من ربنا، ممكن تجيب مدير فني كبير ومكسر الدنيا وميعملش حاجه وممكن تجيب مدرب غلبان ويحقق نجاحات “.
وواصل :” واللي بيقول الجهاز الفني بتاع العشرين السودا، يبني الناس دي واخدين اكتر من ١٧ بطوله ، مش عبد المنصف ده اللي قلع تيشيرت الاتحاد ولبس تيشيرت الزمالك لما كسبنا الدوري ؟ واحمد مجدي ده عامل دراسات برا وفاهم شغله اوي ، والراجل جايب معاه المساعد الأسباني بتاعه ، يا جماعه ندي فرصه للناس تشتغل”.
وأتم :”الراجل هيوصل يوم الحد بالليل او الاتنين الصبح ويشتغل على طول ، والولاد كلهم راقيين جدا ومحدش قالي ناخد كام ولا اي حاجه من الكلام ده ،بشكر حسين ياسر وإسماعيل يوسف وبقولهم انتوا مكانكوا موجود في قطاع الناشئين “.
