أكد الإعلامي أحمد شوبير أن كل الأخبار والمطالبات المنتشره بخصوص إنسحاب الزمالك من بطوله السوبر المصري أمام الأهلي لا أساس له من الصحه ، مشيراً أن تذاكر المباراه قد نفذت وبيعت بالكامل.
وقال شوبير في تصريحات تلفزيونية عبر برنامج ملعب أون تايم:”انا بأكد تاني ان لجنه الإستئناف لن تنظر عقوبه كهربا الا بعد مباراه السوبر وانا لما بقول كده ده عن معلومات وبتأكد مش من اقل ٣ مصادر ليا جوا “.
وواصل :”طيب نفرض ان اللجنه نظرت قبل السوبر، ما المستشار عادل الشوربجي ممكن ينظر بعدين يصدر قرار بتأجيل القرار الخاص بالعقوبه الى ما بعد المباراه عادي جدا”.
وتابع :”طيب في كلام بيتقال لو كهربا ملعبش الأهلي ينسحب ، طيب لو حكام مصريين وكهربا لعب الزمالك ينسحب ، وشوفنا بقا كلام على السوشيال ميديا ، بس عاوز اقول حاجه ، انت مالك ؟ هو الزمالك مش ليه مجلس اداره ؟ والأهلي ليه مجلس اداره ؟ هما يقرروا لكن انت مالك” .
وشدد :”انت راجل نشط على السوشيال ميديا او لاعب سابق او ممثل او ايا كنت حقك تكتب رأيك لكن متديش اوامر ، متديش اوردرات “.
وأتم :”خدها مني على مسئوليتي الشخصيه لا الأهلي هينسحب ولا الزمالك هينسحب والتذاكر كلها خلصت واتباعت والزمالك شوفناه رجع لبعض مستواه وجاهز للسوبر “.
