“لما شوفته قولت صفقه سوبر لكنه لوغاريتم” .. مدحت شلبي يتعجب من لاعب الزمالك بعد مستواه الفتره الأخيره!!

أكد الإعلامي مدحت شلبي أن نجم نادي الزمالك إبراهيما نداي لم يصل حتى الأن لمستواه المعهود كما كان مع وداي دجله ، مشيراً أنه يشعر أن اللاعب خائف من الكره بعد مستواه في مباراه حرس الحدود اليوم.

إقرأ أيضاً| “دفع كل ثروته” .. شوبير يكشف كواليس من العيار الثقيل في أزمه غرامه الهارب كهربا للزمالك!!

وكان الزمالك قد واصل إنتصاراته بعد الفوز على حرس الحدود بثلاثيه مقابل لاشيء ، وذلك في إطار المباراه التي اقيمت بين الفريقين على ستاد الكليه الحربيه.

وقال شلبي في تصريحات تلفزيونية عبر برنامج مساء أون تايم:”الحقيقه ابراهيما نداي بالنسبالي لوغاريتم ، يعني الراجل مع وادي دجله كان حاجه ايه سوبر” .

وتابع :”الراجل كان بيعمل كل حاجه في الكوره ، هو النهارده مش وحش لكن لسه ابراهيما نداي بتاع وادي دجله مظهرش” .

وشدد :”هو ملحقش يكبر عشان يتراجع مستواه ، انا لما عرفت ان الزمالك تعاقد معاه قولت ده صفقه من العيار الثقيل لكنه لحد دلوقت لوغاريتم “.

وأكد :”انا لو جبتلكم لقطات من المباريات هتلاقيه حاجه سوبر السوبر بمراوغاته و تسديداته وانطلاقاته ، النهارده احنا اتفرجنا عليه ولكن مش هو ده ابراهيما نداي اللي نعرفه” .

وأتم :”تشعر النهارده من لمساته وتسديداته انه خايف ، نتمنى من ابراهيما نداي انه يتذكر مستواه ويعود كما كان” .