“الموضوع مش معايا”.. رد مفاجئ من الهارب كهربا على دفع غرامة الزمالك قبل نهائي إفريقيا – فيديو

كشف الإعلامي سيف زاهر عن كواليس اتصال هاتفي جمعة مع اللاعب الهارب محمود عبدالمنعم كهربا جناح النادي الأهلي بسبب موقفه من سداد الغرامة الموقعة عليه لصالح نادي الزمالك قبل نهائي دوري أبطال إفريقيا.

وقال “سيف” :”جمعتني مكالمة منذ قليل، بـ كهربا واتكلمنا على موقفه من المباراة النهائية بسبب اقتراب نهاية المهلة المحددة له بالتزامن مع نهائي دوري إبطال إفريقيا”.

وأشار :”كهربا قالي الناس متصورة إني قاعد بتكلم في القصة دي كتير، لكن الحقيقة إن الموضوع مش معايا خالص، أنا موكل طاقم محامين واثق فيهم وأنا مش بحلم بحاجة غير بالبطولة الإفريقية مع الأهلي وأمنية حياتي أكون الهداف التاريخي للبطولة”.

وأضاف “زاهر” خلال تقديمه حلقة جديدة من برنامج “ملعب أون” على قناة “أون تايم سبورت” :” كهربا قالي أنا بعيش أفضل فترات حياتي في عالم كرة القدم وحتة الفلوس تدفع أو لا، أنا مش هعمل حاجة تخليني أتوقف تاني.. ومعنى كده إن الفلوس هتدفع”.

وأوضح “زاهر” :” سألت كهربا هل الفلوس موجودة بالكامل، قالي مفيش أزمة في الفلوس وإن شاء الله الأمور تكون تمام”.

وأختتم “زاهر” :”سالت كهربا ايه اللى مخليك متألق مع الأهلي في ظل تواجد نجوم كتير، قالى لقيت نفسي مع مجموعة الأهلي والناس دي قدرت توديني لمدرسة الالتزام وكولر ليه دور كبير معايا لأنه نجح يأهلني نفسيًا”.

شاهد: