بسبب جعفر العمدة.. تعليق ناري من حتحوت على التراشق بين خالد الغندور وعدلي القيعي!!-فيديو
علق الإعلامي هاني حتحوت، على التراشق الذي حدث خلال الساعات القليله الماضية بين خالد الغندور لاعب الزمالك السابق وعدلي القيعي رئيس شركة الكرة بالأهلي.
ونشبت خلال الساعات الماضية أزمة إعلامية بين عدلي القيعي وخالد الغندور.
البداية كانت من عدلي القيعي حينما علق على انسحاب الزمالك من كأس السوبر قائلا: “قيل انسحبت من أجل الكرامة، لا أعرف ما علاقة الانسحاب بالكرامة، لأن الكرامة لها مفهوم آخر، هذا المشهد خصوصا المشهد الإعلامي يذكرني بمسلسل جعفر العمدة وشخصية سيد، حكايته على الله، يعتقد أنه يفعل الأمور الصحيحة وهو لا يفعل شيء صحيح”.
وأضاف القيعي:” ودائما يعيش في دور المقارنة مع أخوه الجبار الذي يصنع لهم الهيبة، لما أخوه خد بتاره وخلصله على الزبون ورقده مفرفر ووقفه برجله على رقبته”.
وهنا رد خالد الغندور قائلا: “ردي عليه إن في لما نادي الزمالك يبقى زي شخص سيد حد طيب وحسن النيه، في شخصيات إعلامية عاملين زي وداد اللي كانت متجوزة سيد، وفيه أندية على مستوى العالم عاملين زي دلال اللي قتلت واللي عملت كل حاجة واللي كانت ضد القانون في كل حاجة وقالت يلا نفسي المهم أنا ومش مهم الباقي”.
وأضاف: “سيد غلبان وطيب وراضي بقليله ومحترم وجدع وابن ناس وراجل بمعنى الرجولة لكن وداد كانت وحشة أوي ودلال كانت عايزة تاخد حقها وحق غيرها وكانت أي حاجة بالباطل مش فارق معاها أي حاجة خالص حتى لو شمال، الغاية تبرر الوسيلة”.
وقال حتحوت في تصريحات تليفزيونيه عبر قناة”صدى البلد”:” تابعنا مسلسل جعفر العمده في رمضان، وانتهى المسلسل والتريند وعاد من جديد خلال سيد ووداد ودلال مع جعفر كانوا حديث الساعه”.
وتابع: “السبب رئيس شركة الكرة بالأهلي والكابتن التاريخي للزمالك والإعلامي الأول لقناة الزمالك خالد الغندور، المهندس عدلي القيعي وأحد رموز الأهلي عبر تاريخه وهو بيكلم على ردود الفعل بتشبيه المنافسين بسيد العمده”.
وشدد حتحوت:” فكابتن خالد الغندور يسكت لا ميسكتش، فشبه بعض الإعلاميين بالنادي المنافس والنادي المنافس بوداد ودلال، ده بيكلم انه ضعيف وعامل نفسه كبير والتاني بيكلم انه بياخد حق مش حقه واكتر من حقه”.
وأردف: “ده مش عيب؟ ده اسمه كلام؟ عيب طبعا لإن اسمين كبيرين وموثرين فالوقت ان مش عادي تجرح في غيرك، عيب ان يتم تشبيه منافس بشخصيات، ده لايعبر عن الزمالك والأهلي الناديين كبار جدا بتاريخهما ونجومهما، انت مبتتكلمش عن حد طلع في فيديو على اليوتيوب انت بتتكلم على رئيس شركة الكره وإعلامي له تاريخ وقائد للزمالك وتأثير الكلمه”.
وأختتم:” عارف هيتقال ده اللي بدأ عندك حق وأيا كان مين بدأ فهذا لايليق بالزمالك والأهلي”.
