قرار تاريخي … مرتضي منصور يوضح اسباب اعتذار الزمالك عن المشاركة في السوبر المصري في الامارات – فيديو

أعلن مرتضى منصور عن أسباب القرار التاريخي بإعتذار الزمالك عن المشاركه في كأس السوبر المصري أمام الأهلي يوم الجمعه المقبل .

وقال مرتضى منصور في تصريحات عبر قناته على اليوتيوب:”مجلس الاداره بالاجماع قرر الاعتذار مش الانسحاب من بطوله السوبر في الامارات” .

وتابع :”اتحاد الكوره اللي خسر كل البطولات داخل حرب مع الزمالك رغم ان عاملين نفسهم زملكاويه جمال علام وبركات وحازم عاملين نفسهم زملكاويه”.

وأكمل :*الموضوع مش كهربا بس ولكن الموضوع بدء من ايقاف القيد وانا رايح اتحايل عليهم وهما بعنجهيه بيرفضوا ، انت معين مش منتخب عشان تعمل معانا كده وتحرمنا من لاعبين مؤثرين في افريقيا والدوري” .

وشدد :”وبعدين الاهلي يقولي لجنه الانضباط مش قانونيه ، امال روحت اشتكتني ليه قصادها يا محمود يا خطيب ولا هو اي كلام وخلاص” .

وواصل :”وبعدين انت جايبلي حكام مصريين ، هو اي المهزله دي يا جماعه عاوزين تعملوا زي حكام السله وتطرد الولد وهو مش شايف الخط ؟” .

وأردف :”احنا اتخذنا القرار ومفيش رجعه فيه واحنا ما دام دخلنا حرب نكملها و انا قولت ما دام نزلت الملعب منسحبش”.

وإستطرد :”وبعدين في صحفي قال ان جمال علام اتصل بالخطيب وقاله متقلقش احنا عقوبه كهربا مش هنفذها الا بعد السوبر وهنقلل العقوبه من ١٢ ل ٦ ، هو احنا هنقعد ساكتين كمجلس اداره” .

وأضاف :”وبعدين كل الضغوط اللي بتمارس عليا اننا هنحل المجلس ، وهنبعت لجان تفتيش ، انا بقعد اضحك على الكلام ده”.

وأتم :”احنا بنعتذر لكل جمهور الزمالك واهل الامارات اللي قطعوا تذاكر ، اتحاد الكوره هو اللي بوظ الدنيا “.

شاهد |