ميدو يكشف عن إجراء عاجل لإدارة الزمالك ضد أوسوريو بعد الخسارة أمام الإسماعيلي – فيديو
أعلن أحمد حسام ميدو عضو اللجنة الفنية داخل نادي الزمالك، أن اللجنة من المقرر أن تعقد إجتماع طارئ مع الكولومبي خوان كارلوس أوسوريو المدير الفني للفريق الأول في نادي الزمالك من أجل التنبيه عليه بضرورة مشاركة اللاعبين في مراكزهم الأساسية داخل الملعب.
وقال “ميدو” : “الزمالك عنده مشاكل إدارية كتير، لكن الأهم من كده والمشكلة الأكبر إن فيه بعض اللاعيبة بتمثل نادي الزمالك أقل حاجة اقولها إنهم ميستحقوش يلبسوا فانلة الزمالك”.
وأشار :”المشكلة الحقيقة إن فيه بعض اللاعيبة لابسه تيشرت الزمالك لا تستحق التواجد في النادي، أي لاعب مقصر مش قايم بدوره مش هيكون ليه مكان في الفريق الموسم الجديد”.
وأضاف “ميدو” في تصريحات لبرنامج “الريمونتادا” على قناة “المحور” :”المدرب لسه بيجرب ويحاول تطبيق أسلوب جديد، هنقعد معه وهنطلب منه على الأقل إنه يلعب كل لاعب في مركزه”.
وتابع :”المدرب له كل الحرية في اختيار العناصر اللى عايزها لكن من غير المقبول إنه يكون قاعد يجرب ويغير في أماكن اللاعبين فى أوقات حساسة في الموسم علشان نقدر نقيب الموضوع بشكل سليم”.
وأكد “ميدو” :”عارفين إن الجمهور زعلان لكن إحنا تعاقدنا مع مدرب كبير لكن هو بيحاول يجرب طرق لعب جديدة، لكن احنا هنقعد معاه ونقوله اقل حاجة من حقوق النادي إن كل لاعب يلعب في مكانه”.
وأختتم “ميدو” :”اللى حصل النهاردة مش مقبول إن اللاعبين بتلعب في أماكن مش أماكنها، ده مش وقت تجارب، إحنا في وقت صعب من الموسم، وعايزين نخلص الدوري على الأقل في المركز الثاني من أجل ضمان المشاركة في دوري أبطال إفريقيا الموسم المقبل”.
شاهد:
