في مقدمة نارية .. فايق يفتح النار على لاعبي الزمالك بعد الخسارة أمام الإسماعيلي ورأي صادم للجماهير – فيديو
علق الإعلامي إبراهيم فايق على خسارة الفريق الأول لكرة القدم في نادي الزمالك أمام الإسماعيلي في بطولة الدوري العام، مشيرًا إلي أن هناك قصور واضح من قبل بعض لاعبي الفريق الأول.
وقال “فايق” :”لازم كل حاجة يكون لها تبعات ليها، واللى بيحصل في الزمالك طبيعي يوصلك إلى أن النتائج تكون كده لأن فيه حاجة اسمها مناخ كروي”.
وأشار :”بالنسبة للاعبين معنديش مشكلة إنك مش في يومك، لكن مشكلتي إنك مش قادر تجري ومش عارف تجري ومش مركز في الملعب”.
وأضاف “فايق” خلال تقديمه حلقة جديدة من برنامج “جمهور التالتة” على قناة “أون تايم سبورت 2″ :”احترام جمهور الزمالك يأتي قبل أي شيء، خسارة النهاردة أنا شايف من خلالها طريق وسيناريو الزمالك مش هيكون في أفضل حالاته الفنية الفترة الجاية”.
وتابع :”أوسوريو مش مطلوب منه ياخد بطولة الدوري، والناس بتلوم على أوسوريو في فلسفة اللعب نفسها بس على الأقل كلنا عارفين إن البضاعة المطلوبة متساعتش فلما يجي يجرب متقولش اىه ده الطبيعي إنه يجرب ويغلب ويتغلب وده طبيعي لكن لا تنكر على الرجال إنه بيشغل الفهامه شوية”.
وأكد “فايق” :”على الجانب الآخر هذا انتصار عظيم للإسماعيلي، ولا يجب على وسائل الإعلام تحليل أسباب خسارة الزمالك فقط، دون التركيز على إنجاز لاعبي الإسماعيلي”.
وأختتم “فايق” :”بقول لجمهور الزمالك أه اللاعيبة مقصر لكن كل اللى فات ده نتيجة طبيعية ليه واتمنى الزمالك ميطلوش في الحالة دي”.
شاهد:
