” متسألنيش عرفت منين”.. زاهر يكشف كواليس حوار كولر مع مصطفى شوبير قبل مباراة الأهلي و الوداد!!

كشف الإعلامي سيف زاهر، كواليس حوار السويسري مارسيل كولر المدير الفني للأهلي مع حارس مرماه مصطفى شوبير، قبل واثناء مباراة الوداد في ذهاب نهائي دوري أبطال إفريقيا.

وقال سيف زاهر في تصريحات تليفزيونيه ببرنامج “ملعب اون تايم”عبر قناة “أون تايم سبورتس”:” اللي هقوله محدش في مصر يعرفه، ومتسالنيش عرفت منين وكابتن شوبير ميعرفش ومصطفى قاعد معه في البيت”.

وأضاف: “اللي هحكيه عن مصطفى كابتن شوبير ميعرفوش، كولر اتكلم مع مصطفى واخده في نص الملعب واتكلم معه مخصوص، وقاله انت والكره وانسى الجمهور انت بتسطر تاريخ لنفسك”.

وتابع زاهر:” بين الشوطين وهم خارجين من اوضة اللبس، كان خارج كولر مع مصطفى وحضنه وبيكلموا وشوبير قاله متقلقش هنخرج بالمباره لبر الأمان”.

أختتم: “كولر قاله واثق فيك، ونص المهمه عدت بنجاح والجمهور مش هيروح زعلان، والوقت اللي كنت قلقان عليك عدى، وده حوار حصل بينهم من غرفه خلع الملابس للملعب”.