كشف مرتضى منصور المعزول من رئاسة الزمالك، حقيقة مايثار بشأن الصفقات الجديدة والراحلين عن الفريق الاول لكرة القدم بالنادي، وكذلك عودة طارق حامد لاعب إتحاد جده السعودي لصفوف الفارس الأبيض.
وقال مرتضى منصور في تصريحات تليفزيونيه عبر قناة “الزمالك”:” كل مايذكر عن الصفقات واسماء الراحلين كذب وغير حقيقي، وكل مايقال على اجتماعي مع لجنة الكرة كذب”.
وأضاف:”مش ده طارق حامد اللي قولتوا طارق قدرني؟، دلوقتي عاوزين طارق، شكلكم ايه لما قولتوا عاوزين طارق حامد وقال لا عاوز اكمل بره، شكلكم ايه؟ “.
وتابع:” بعتنا كل الجوابات الى الفيفا، قولتوا المحامي بعت يستفسر من إنحاد الكرة، ايه علاقة المحامي بتاعنا بإتحاد الكره ايه الهبد ده، مش فاضين كل يوم نطلع نتكلم، الورق بيروح هيحددوا جلسه استماع بين الاطراف، انتم مش جايبيني، احنا بنعمل كل ده علشان الجماهير المحترمه”.
وأردف:” مثقفي الزمالك بيدخلوا على كلاب هاوس، انا اصغر مؤلف قانون وعضو هيئة برلمانيه دوليه واكبر محامي في بلدك لازم اطلع افوقكم، واخدبالك يامايكل افندي انت مين بقى، انت مين ياهشام وغيركم وغيركم”.
وأشار مرتضى:” المنظره سهله بقول كلمه بيدخل عليها10أو 11 مليون انتم بيدخل عليكم 500 واحد من تواضع لله رفعه”.
وواصل: “هشام يا اسماعيل اول لما تيجي تشتمني انا، وتقول لأشرف ذكي مش انا اللي شتمت، وتقول ربنا يخلصنا من الأهلي ومرتضى منصور”.
وأختتم:” علمنا 14 بلاغ ضد رضا عبدالعال ومهيب عبد الهادي وعمرو أديب وايمن اللي شغال معه، واصحاب القناة (في اشارة لقناة mbc مصر)، وطالبنا بالغاء القناة لان ملهاش ترخيص، وقدمت بلاغات للنيابه ولكرم جبر، وضد طارق نور صاحب قناة القاهرة والناس اللي انا محاميه انت اخدت 16 مليون دولار علشان تعمل اعلانات لاحدى الوزارت ومعملتش”.
