“أتحداك تقول هما مين” … عمرو أديب يفتح النار على مرتضى منصور بعد تصريحاته عقب حكم عزله !!-فيديو

فتح الاعلامي عمرو أديب النار على مرتضى منصور ، وذلك بعد تصريحات الأخير عقب تأييد حكم عزله من رئاسه نادي الزمالك صباح اليوم .

وكانت المحكمه الإداريه العليا قد أصدرت اليوم حكمها بتأييد عزل مرتضى منصور من رئاسه نادي الزمالك ورفض الطعن المقدم من قبله على الحكم .

حسب جريده ” الشروق ” فإن مرتضى منصور قد صرح عقب الحكم أن هناك شخصيات بارزه في الدوله قد تواصلت معه وأكدت رغبتهم في بقائه في رئاسه الزمالك ، ليفتح أديب النار على تصريحات منصور.

وقال أديب في تصريحاته عبر برنامج “الحكايه” على قناه إم بي سي مصر :”انت عاوز تقنعني ان الناس مقتنعه بعد حكم المحكمه الاداريه ان مرتضى مشي ؟ لا ، ما هو ماشي فالنادي ماسك الحديده بيشتم الناس كلها وهيطلع بالليل يشتم أهلي كلهم” .

وواصل :”الراجل قال في تصريحات للشروق انا تلقيت اتصالات من الدوله عشان اقعد ، ده الراجل اللي اتحكم بعزله من الدوله ، اكيد مش الدوله القديمه ولا دوله احمس ولا الدوله القديمه ، دي الدوله بتاعه دلوقت وحكومه دلوقت ، الدوله مش عارفه تعيش لو انت مش موجود سد النهضة ينهار ، الدوله تنهار اصل مرتضى مشي”.

وشدد :”اتحداك ، اتحداك تطلع تقول اسم واحد من الدوله اللي كلمتك ، ولا تقدر ولا في حد ، لكن القضاء ملوش علاقه بالكلام ده ، هو بيتحامى في الدوله” .

وأتم :”هو اتعزل شهرين وينزل الانتخابات عشان الجمعيه العموميه كلها هو اللي عاملها ويفضل قاعد ستين سنه بقا ، يبقى ايه لازمه القضاء ؟ ايه لازمه القانون ؟ ايه لازمه اي حاجه ، انا مش عاوز اقول كلام بايخ بقا “.

شاهد |