الشيطان يعظ … شوبير في وصله ناريه يُفحم مطالبي الزمالك بالإنسحاب من البطوله العربيه ويؤكد :” عيب كده ده نادي كبير !!” – فيديو
فتح الإعلامي أحمد شوبير النار على بعض مطالبي نادي الزمالك بالانسحاب من البطوله العربيه والتي ستنطلق في غضون أسبوعين ، مؤكداً أنه لا كرامه في الانسحاب وعلى الزمالك المشاركه من أجل التتويج وليس الظهور الجيد فقط في البطوله.
وقال شوبير في تصريحات تلفزيونية عبر برنامج ملعب أون تايم:”في الساعات الماضيه سمعنا بعض الكلام ان الزمالك ينسحب من البطوله العربيه ؟ لا يا اخي تنسحب ؟ مفيش اي مبرر للانسحاب”.
وتابع :”الزمالك قبل مباراه الاهلي كان كسبان ٦ ماتشات ورا بعض ولو كان بدء صح ماتش الاهلي كان ممكن يكسب ، لكن يطلع كلام على الانسحاب هو في كده ؟”.
وواصل :”طول ما في بطوله نافس عليها ليه تنسحب ، لا كرامه في الانسحاب واللي يقولك هننسحب عشان كرامتنا ده كلام مستهلك وملوش قيمه”.
وأضاف :”الناس دي هتعمل ايه لما ان شاء الله نلاقي الزمالك في النهايه بطل البطوله العربيه ؟ الزمالك لسه عنده كاس مصر ولو كسب هيبقى عنده السوبر” .
وشدد :”للاسف في ناس كتير بتضرب في الزمالك والمعظم من جواه والكلام يتقالك اصله مصلحه الزمالك ، لا دي مش مصلحه الزمالك ولا تغيير لون التيشيرت لمصلحه الزمالك عشان التفاؤل”.
وأتم :”الزمالك نادي كبير يا جماعه ومينفعش فيه الكلام ده ، انا بقول الكلام ده من قلبي والله واتمنى يوصل للناس ويتم تصحيح الاوضاع ، مينفعش نادي من كام شهر كان بطل دوري وكاس ينهار كده”.
شاهد :
