“الله يخربيت اللي يزعل بيبو” … مرتضى يفتح النار على الخطيب… ويكشف المتسبب في الازمه الماليه !!
هاجم مرتضى منصور رئيس الزمالك المعزول رئيس النادي الأهلي محمود الخطيب وذلك بعد تسببه في تدهور أحوال الزمالك بعد أن تفوق عليه مرتضى منصور في منافسته وتدخلت الدوله حتى لا “يزعل” الخطيب على حد وصفه.
وأكد مرتضى منصور أن النادي كان يملك العديد من الأموال التي مكنته من التعاقد مع لاعبين مميزين مثل أشرف بن شرقي وفرجاني ساسي وعبد الله السعيد ، مشيراً أن وزير الرياضه وقتها خالد عبد العزيز لم يعجبه الأمر وتسبب بلجنه التفتيش في تدهور أحوال النادي .
وقال مرتضى في تصريحات عبر المؤتمر الصحفي المنعقد حالياً في النادي :”في ٢٠١٨ لما جينا نشم نفسنا خالد عبد العزيز قدم مذكره واتشكلت لجنه كلها اهلاويه ضروا النادي وفالاخر في شهر مايو نفس السنه ملقوش حاجه” .
وواصل :”لا يجرؤ اي وزير او اي مسئول انه يحل مجلس اداره النادي الأهلي ، في ٢٠١٨ كنا بنحط فلوسنا فالبنك عادي قبل الحجز ، كان عندنا ١٠٧ مليون جنيه ومليون و٧٠٠ الف دولار ، لما كنا نادي طبيعي ، قبل ما مرتضى يجي ياخط ٤٤ بطوله ويقول نادي القرن” .
وتابع :”لكن ازاي بيبو يزعل ، الله يخربيت الي يزعل بيبو ، كان عندنا ملايين فالبنك ، طب مين سبب الملايين دي متبقاش موجوده ، هو الوزير السبب”.
وشدد :”يا سفله يا مرتشين يا منحطين احنا مبنتحلش ، عيشني في مناخ طبيعي ، احنا كل سنه يا بنتعزل يا نتحل يا نتحبس ، من أسباب ان احنا اتحلينا اتعزلنا اننا كان معانا فلوس في النادي ، كان معانا ١٩ مليون جنيه و٦ مليون دولار ، نادي كان عندنا فيه فلوس” .
وأكمل :”جبنا بن شرقي وجبنا ساسي وجبنا عبد الله السعيد ، ويجي واحد يقولي فين البطولات ، طب فين الفلوس ، واحد يقولي انت المفروض انت اللي تجيب الفلوس انا هوريك انا عملت ايه دلوقت” .
وأتم :”بعض الإخوة اللي بيدافعوا عن ممدوح عباس وبيطبلوا ليه هو وأحمد سليمان والعتال ، الشكوى اللي مقدمنها للعضويات الاستثنائيه كانت لمين ؟ للصحافه والجيش والقضاء ، ولسه في اخوه بيطبلولهم” .
