ضرب وتكسير بين الأمن وعضو الزمالك !! مرتضى منصور يفتح النار ويكشف سبب تداول الفيديو المثير للجدل !! – فيديو

أبدي مرتضى منصور ، انزعاجه الشديد من تداول فيديو لاعتداء أمن الزمالك علي أحد أعضاء الجمعية العمومية مؤكداً أنه منذ عامين ويتداول الأن من أجل تعكير فرحة الإنتصار علي الإتحاد المنستيري.

وقال مرتضى منصور في تصريحات عبر قناته علي يوتيوب : هما عايزين أيه من الزمالك ومرتضى منصور، الزمالك امبارح فرحان كسب ٤ وبقي أول المجموعة بطولة صعبة ودي أول خطوة .

تعاهدوا علي العودة باللقب .. مجدي عبدالغني يتغني برباعية الزمالك في الاتحاد المنستيري بالبطولة العربية ويؤكد: مندهش من النصر والشباب !!

وواصل : بعض سوشيال ميديا الزمالك شكر كل الناس بما فيهم الملعب والمعلق وأنا برده بشكره لانه محترم ونسيوا يشكروا رئيس النادي لكن الفرحة دي لازم يبقي وراها مصيبه.

وأشار: لقيت رسالة جايالي الصبح واحده بعتالي رسالة علي حادثة فرد الأمن انتي صفتك ايه ؟ سألت قالولي الواقعه بقالها سنتين ، مش فاكر اني رئيس نادي وقتها أو لا.

وشدد : لو كنت رئيس نادي وقتها كنت فصلت الأمن فوراً جالي شخص قالي انا بتاع الفيديو افتكرته فيديو قبيح ولا حاجه لكن طلع اللي اتخانق مع الأمن ، معتقدش إني كنت موجود .

واستكمل : الكلام دا من سنيتن وبيتشير النهارده علشان الزمالك طالع للسما طب ما نشكر رئيس النادي بدل ما ندور علي مصيبه عاوزين ايه من الزمالك ؟ عاوزين مني أيه ؟ هو في أيه ؟

وزاد : في مجازر في الأهلي من سنتين وجاي تشير النهارده عشان كسبت امبارح ٤ واللي عمل الفيديو مش هيتساب البوابة اللي ظهرت في الفيديو متغيره من سنتين اللي طلع الفيديو الكلاب الضاله.

شاهد الفيديو

شاهد الفيديو المقصود