“عاوزين يخربوها” … رضا عبد العال يواصل قذائفه الناريه تجاه مرتضى منصور وأولاده بعد تدهور الزمالك !!

أكد رضا عبد العال محلل برنامج البريمو المذاع عبر قناه تن أن القائمين على إدارة الزمالك يسعون لتخريب الفريق حتى لا يستطيع القادم من بعدهم تعديل الاوضاع ، مشيراً أن الزمالك لابد أن يعتذر عن عدم المشاركه في البطوله العربيه حفاظاً على كرامه النادي .

وقال عبد العال في تصريحات تلفزيونية عبر برنامج البريمو:”اوسوريو كان متحفظ الكلام اللي قاله في المؤتمر الصحفي ده مش كلامه ، وكويس انه ملعبش السوبر قصاد الأهلي ده فاتح رجله كان هيشيل سته”.

وواصل :”انت رايح تلعب البطوله العربيه عشان الفلوس ؟ تضيع هيبه نادي الزمالك عشان الفلوس ؟ انا شايف انك تعتذر ومتروحش افضل”.

وأتم :”جمهور الزمالك الله يكون في عونه اتمرمطوا الموسم ده ، واللي ماسكين عاوزين يجيبوا ضلفها ويخلوا النادي فاضي عشان اللي يجي بعدهم ميلاقيش حاجه لا فلوس ولا استقرار ولا لعيبه”.