كشف الإعلامي كريم أبو حسين عن مصير أموال صفقه إنتقال إمام عاشور من نادي الزمالك لميتلاند الدنماركي ، وذلك بعد كثره الجدل حول هذه الأموال وطرق صرفها.
وقال أبو حسين في تصريحات تلفزيونية عبر قناة الزمالك:” امام عاشور اللي قعد يعيط مع المستشار مرتضى كان واخد قراره انه رايح الاهلي والدليل ان يوم واحد سته المدرب الخاص بتاعه كان منزل بوست بيقول امام عاشور لاعب نادي وحاطط نقط وايموشنات ضحك” .
وواصل :”وبعدين انا مزعلش على امام عاشور ، انا لو هزعل هزعل على لاعب زي طارق حامد ولكن امام عاشور اي عيل من بتوع 2003 هيبقى أحسن منه عادي جدا”.
وتابع :”وللناس اللي بتقول فلوس امام عاشور راحت فين ، مستحقات جروس ومساعديه اتدفعوا منهم ، جزء من مستحقات اتشيمبونج اتدفعوا منهم ، مستحقات مساعدين فيريرا اتدفعوا منهم ، كل العاب الصالات اللي كان متأخر اتدفعوا منهم”.
وأكمل :”وبعدين يا سيدي انت مالك بتحاسب ليه هو انت الجهاز المركزي للمحاسبات ؟ انت مالك ياعم ، انت عاوزنا نطلع اسرار النادي على الهوا ليه ، اقسم بالله فلوس امام عاشور ما قعدت اسبوع في النادي وكلهم اتصرفوا”.
وأتم :”فلوس شيكابالا والقيد خلصت خلاص والمستشار مرتضى منصور هيطلع يعلن بنفسه عن كده ، هيتدفعوا هنقعد نصوت بقا متدفعوش ليه ، المهم انهم هيتدفعوا”.
