كواليس من العيار الثقيل… الغندور يكشف صفقات الزمالك الأجانب والمصريين وموعد إنضمامهم للفريق !!-فيديو

كشف الإعلامي خالد الغندور عن تفاصيل صفقات نادي الزمالك الأجانب والمصريين ، والذين من المقرر إنضمامهم للفريق من أجل تدعيمه لمنافسات الموسم المقبل.

وأكد الغندور أن هناك ثنائي أجنبي جديد سيشارك رفقه الزمالك في البطوله العربيه ، مشيراً أن الثنائي سيصلون لمصر خلال الايام القليله الماضيه.

وقال الغندور في تصريحات عبر إذاعه أون سبورت إف إم :”الزمالك هيدفع الفلوس اللي عليه لاتحاد الكره اللي بتبلغ ٦٢ مليون جنيه مصري على يوم الحد او الاتنين القادمين”.

وواصل :”في صفقتين اجانب واحد مدافع وواحد مهاجم هتتبعتلهم التذاكر وهيوصلوا على يوم الاتنين او التلات بأقصى تقدير وقد يذهبوا للسعوديه مباشره للاشتراك مع الفريق في البطوله العربيه والمباراه امام الاتحاد المنستيري”.

وشدد :”اما اللعيبه المصريين الزمالك بيسعى لضم ٣ لاعبين في خط الوسط كلهم متميزين فيهم ٢ عاوزين الزمالك جدا وواحد هيبقى فيه صعوبه شويه بسبب الأمور الماليه” .

وتابع :”القيد في مصر هيفتح يوم ٢٧ يوليو وهيقفل يوم ٣٠ اغسطس عشان اتحاد الكره هيمد المده يومين او ٣ فالزمالك مش هيعلن عن مصريين قبل يوم ١٥ او ١٦ اغسطس”.

وأتم :”طبعا كل ما كان التعاقد ابكر كل ما كان الفرصه اللعيبه تشارك في فتره الاعداد ويشاركو في الكونفدراليه وممكن كاس النخبه اللي هيكون بين ٤ فرق مصريه ممكن الدوله المنظمه توجه دعوه للزمالك والي هتكون غالباً السعوديه للمشاركه في البطوله اللي هتقام لأول مره”.

شاهد |