أكد مرتضى منصور رئيس الزمالك المعزول أن أمير مرتضى منصور المشرف العام على الكره قد أتم تعاقده مع اربع صفقات بناءً على طلب الكولومبي خوان كارلوس اوسوريو المدير الفني للفريق.
وقال منصور في تصريحات تلفزيونية عبر قناة الزمالك:”اول حاجه بنحمد ربنا وبنشكر ربنا على النتيجه وبنشكر الجهاز الفني اللي مش احنا اللي اختارناهم وبشكر اللعيبه اللي مش احنا اللي قدمناهم والصفقات الجديده اللي ملناش علاقه بيهم ، الموضوع بقا يضحك بصراحه”.
وتابع :”بشكر الجماهير اللي انا زعلان منهم لانهم في اخر المباراه ادوا ضهرهم للملعب وتدي ضهرك لابطال ، يعني مينفعش تبقى في فرح والعريس والعروسه في الكوشه وانت تديهم ضهرك ، وبعدين انتوا معلقين وايت نايتس انتوا اسمكوا جمهور الزمالك العظيم مش عاوزين نرجع للانقسامات تاني”.
وواصل :”بشكر امير مرتضى منصور انه جدد لزيزو ، وبشكر احمد مرتضى انه جاب عبد الغني و حسام عبد المجيد”.
عاوز اقول للعيال اللي مش عاجبهم ولاد صاحب العزبه ، امير مرتضى منصور امبارح بعد ما اتطمن على الفريق وقع مع اربع لاعبين وقعوا معاه امبارح ، وأحمد مرتضى وقع مع احسن لعيب في مصر”.
