مرتضى منصور يواصل هجومه على صفحات السوشيال ميديا … ورساله ناريه بسبب “بانر” الوايت نايتس !!
كشف مرتضى منصور رئيس الزمالك المعزول انه سيتقدم ببلاع ضد إحدى صفحات السوشيال ميديا المنتسبه لنادي الزمالك ، وذلك بعد نقلهم تصريح خاطئ منسوب اليه ضد كامل الوزير وزير النقل.
وقال مرتضى منصور في تصريحات تلفزيونية عبر قناة الزمالك:”بشكر الجماهير اللي انا زعلان منهم لانهم في اخر المباراه ادوا ضهرهم للملعب وتدي ضهرك لابطال ، يعني مينفعش تبقى في فرح والعريس والعروسه في الكوشه وانت تديهم ضهرك ، وبعدين انتوا معلقين وايت نايتس انتوا اسمكوا جمهور الزمالك العظيم مش عاوزين نرجع للانقسامات تاني”.
وواصل :”بمناسبه العيال اللي بتطلع التراس ،انتوا عارفين ان الالتراس جماعه محظوره بقولهم متحرجوناش قصاد السعوديه ، انتوا حاطين يافطه ٢٠ شهيد على دماغنا وده حقك لكن وايت نايتس لا مش من حقك”.
وشدد :”ينفع حضرتك تقسم الجمهور دول وايت ودول عادي لا مينفعش ، في صفحه انا مش هقفلها بس لا انا هحبسكوا بقا ، انا لقيت الفريق كامل باعت بيقولي انت ليه بتشتمني ،عمل مداخله مع الواد التافه اللي اسمه عمرو اديب وقعدنا نبحث لحد ما وصلنا انها بسببهم” .
وأتم :”في افندي قليل الادب قذر لفقلي تصريحات عن الفريق كامل انا مقولتهاش ،دي جريمه كبيره فيها شئ يمس للأمن الوطني انا قدمت البلاغ ومش هتتسابوا المرادي لانك نسبتلي كلام غلط لاحب واحد الى قلبي” .
