“مش فارق معانا هيلعب فين”.. رسالة نارية من رئيس إنبي لـ أحمد عيد بعد إعلان عودته للزمالك!!

أكد أيمن الشريعي رئيس نادي إنبي أنه غير مهتم أين سيلعب أحمد عيد الموسم المقبل ، مشيراً ان كل ما يضايقه هو عدم إنضباط اللاعب وعدم إمتلاكه عقليه إحترافيه ، مؤكداً أنه لا يستطيع أن يُجبر أحمد عيد على اللعب مع إنبي رغماً عنه.

وقال الشريعي في تصريحات تلفزيونية عبر برنامج الماتش:”احنا خدنا احمد عيد من نادي الزمالك ببند احقيه الشراء ، اه هو ممضاش عقد جديد ولكن هو مضى على البند المبدئي” .

وواصل :”انا مش فارق معايا احمد عيد هيلعب فين ولكن فارق معايا الانضباط لان انت لو عاوز تحترف لازم يبقى في انضباط” .

وشدد :”مفيش نادي هيجبر لعيب انه يشتريه ده مش منطقي ، اللاعب نفسه اول الموسم لما جه عندنا قال انه مبسوط” .

وتابع :”احمد عيد خلال الموسم اتكلمنا معاه مره واتنين وتلاته والكلام ان انا معاكوا ، احنا تفاوضنا واتكلمنا واحنا طورناه .

وأضاف :”احنا مكنش عندنا مشكله في مركز الباك رايت احنا كان عندنا افضل باك يمين في مصر علي فوزي وده يدل ان احنا هدفنا التطوير “.

وأتم:”الولد كل كلامه معانا انه عاوز يحترف وقالنا نأجل الكلام لما ارجع من المغرب ، قولتله تمام ولكن لما رجع من المغرب مشفناهوش اصلا”.