أحمد عبد القادر يهاجم صفحات الأهلي و يتهمهم بالحصول على أموال لمساندة أو محاربة اللاعبين | صورة
هاجم أحمد عبد القادر نجم النادي الأهلي الصفحات التابعة للنادي الأهلي على مواقع التواصل الإجتماعي بعد الهجوم عبى اللاعب .
و كتب أحمد عبد القادر على صفحته الرسمية على فيس بوك: جمهور الاهلي اكبر منكم يا شويه هايفين سواء الاهلي اليوم او ماجيكانو ياللي بتقبضو الفلوس علشان تعللو ده وتوطو ده.
و تابع : انا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الادمن بتاعكو والفلوس اللي بتتوزع عليكو وقدام عيني وحد عرض عليا اعمل حملات هجص ولقطه وهنعليك وهنخليك في السما دا مش عندي.
و اكمل : انا ربنا بيكرمني علشان انا عارف انا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فا بلاش انتو علشان انتو لا تمسو للنادي الاهلي باي شئ .
و واصل : النادي الاهلي اكبر نادي في العالم مش في مصر فا اللي انتو عاوزينو ده مبعملوش والاجازه يا انا يصفحاتكو اللي كلها نفاق ورشاوي وبقولها لاخر مره انا بتاع شغل مش بتاع رشاوي وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب ولما ترد يقولك متركزش معاهم .
و اختتم تصريحاته قائلا: مين قال انهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله ، صباح الفل وجمعه مباركه.
