بالمستندات ..مرتضى منصور يرد على محامي ممدوح عباس ويكشف القصه الكامله لحجز الضرائب على الزمالك!! -فيديو
رد مرتضى منصور رئيس الزمالك المعزول والذي أعلن رحيله عن النادي وابتعاده عن المشهد الرياضي على محامي ممدوح عباس ، مشيراً أنه حتى الأن لم يتم رفع الحجز عن أرصده الزمالك بسبب ممدوح عباس.
وكان محامي ممدوح عباس رئيس الزمالك الأسبق قد أعلن في بيان رسمي أن الحجز على ارصده الزمالك بسبب ممدوح عباس قد تم رفعه منذ شهر مايو الماضي، مؤكداً أن الحجز الوحيد على أرصده الزمالك هو لمصلحه الضرائب المصريه والذي جاء بناءً على طلب اداره الزمالك ، ليرد منصور على هذه الأقاويل.
وقال منصور عبر مقطع فيديو بثه على صفحته على موقع يوتيوب:”انا بتحداك لو انت راجل تطلع قرار ايقاف الحجز ، مش انت راجل والمواقع المشبوهه بتاخد كلامك كانه قرأن ؟ مش انت قولت البيان مرفق ؟ لو راجل طلعه ، بطل كذب” .
وواصل:”المواقع دي ارتكبت جريمتين الاولى انت بتاخد كلام ده بصفته ايه ، التانيه المفروض وانت بتاخد كلامه تقوله هات القرار ، وبعدين مش في طرفين المفروض تقول للزمالك عشان تاخد الرد قبل ما تنزله”.
وتابع:”الي بيقولك ان احنا طلبنا مصلحه الضرايب تحجز على الحسابات ، لا انت كداب ، طبقا لقانون المرافعات انت لازم تقر بالذمه الماليه كنادي”.
وأكمل:”يعني انا لازم اروح البنك اقولهم انا حساباتي في كل البنوك مثلا عندي ١٠ مليون هنا وق مليون هنا وهكذا لاني بعد ما بعمل كده اي مبالغ تجيلي ينفع تخش حسابي عادي وده اجراء قانوني لازم يتم”.
وواصل:”طيب ايه بقا حكايه الضرايب ، انا جالي خطاب يوم ما رجعنا النادي يوم ٢٧ -١٢ ، ان الضرايب ليهم ٧٠ مليون جنيه كانوا على اللجنه مش انا لاني استلمت تاني يوم” .
وشدد:”حسين لبيب اللي خرب النادي هو ولجانه كان عليهم فالسنه دي ١٩٨ مليون بالاضافه لل٧٠ مليون ، ده انتوا خربتوا النادي قبل ما تمشوا ، دي ضرائب دوله”.
وأكد:”احنا كل اللي عملناه حاجه اسمها عزم على الصرف ودي معناها انه لما يعمل عزم على الصرف انه يصرف الفلوس تاني يوم ، انا قولت بدل ما يصرف ممدوح عباس الفلوس دي الضرايب تاخدهم هما اولى” .
وأتم:”انا كلمت وزير الماليه وقولتله يا سياده الوزير بدل ما هو يروح يصرف روح انت خد الفلوس وكلها جزء من المبالغ اللي علينا ، الراجل راح حجز” .
شاهد|
