بعد أزمه مديونيات اتحاد الكره …مرتضى منصور يعلنها ويكشف موقف قيد القائمه الأولى للزمالك!!-فيديو
أكد مرتضى منصور رئيس الزمالك المعزول والذي أعلن رحيله عن الزمالك والابتعاد تماماً عن المشهد الرياضي انه قد نجح في قيد القائمه الأولى للزمالك بعدما دفع جزء من مديونيات الزمالك لدى اتحاد الكره.
وقال مرتضى منصور في تصريحات عبر فيديو بثه على صفحته على موقع يوتيوب:”انا اسمي مرتضى منصور بس من غير رئيس النادي، أنا ابن شبرا وروض الفرج واللي تشرفت اني كنت رئيس النادي ٥ دورات” .
وواصل:”اولا عاوزين نتكلم في حاجات اهم من تفاهات كمال شعيب ، هو اولا انت معاك دكتوراه في ايه ؟ بلاش كلمه دكتور دي وبعدين البنت لاميه بتاع جهاز المركزي للمحاسبات طلع هو برضو محاميها فسبحان الله يعني”.
وتابع:”كنت في اجتماع عادي مع اتحاد الكوره مش عاصف زي ما اتقال يعني وكل المجلس كان حاضر ، جمال علام و حازم امام واللوا مشهور والدرندلي وكلهم الحقيقه ناس محترمه وهما مبيجاملوش الزمالك ، احنا حولنا مبلغ ٣٠ مليون جنيه ومن امبارح تم تسجيل كل اللعيبه في القايمه الاولي”.
وأضاف:”ميدو كان بيساندنا وفجأه اتشتم راح قالب علينا كلمني قولتله يبني انا بتشتم بقالي ٢٤ سنه انت في ايه ، دي ظاهره في البلد فيريرا يكسب الدوري يبقى وان تو فيريرا ثانك يو وجدو فيريرا ، يخسر فيريرا يتشتم ، برضو شيكابالا يجيب جول يقولوا شيكا يضيع يشتموا مرتضى وكده يعني”.
وأتم:”الجمهور فيه فئات الجمهور المحترم اللي هو صحاب النادي مع الجمعيه العموميه ، وفي البعض اللي عاوز شهره ومشاهدات يجيب اسمي فيهم وفي البعض اللي هما فئه الالتراس ودول مفيش فيهم امل ضربوا عليا رصاص و رموا عليا مياه نار و اقتحموا النادي”.
شاهد |
