بعد استقاله مجلس إدارة الزمالك… حسين لبيب يفجر مفاجأة مدويه بشأن عدد رجال الأعمال المساعدين للزمالك!!-فيديو

كشف حسين لبيب رئيس اللجنه المؤقته لاداره الزمالك سابقاً عن مفاجأة كبرى بشأن عدد رجال الأعمال المستعدين لمساعده الزمالك خلال الفتره المقبله عقب استقاله مجلس اداره الزمالك.

وقال لبيب في تصريحات تلفزيونية عبر برنامج على مسئوليتي:”النادي محتاج خبرات رياضيه وخبرات اداريه ، الخبرات الاداريه محتاجه احترافيه وتسويق وغيره” .

وواصل:”ليه دايما بقول على لاعب كابتن ؟ لان ده لقبه وليه احترامه الكامل زي المهندس والطبيب لازم اللاعب ياخد وضعه لانه نجم “.

وتابع:”هذا النجم من حقه انك تحترمه وتقدره وتديله فلوسه ووضعه ، لما بيلاقي اللي قدامه مخلصين للنادي وبيحترموه هو بيدي للنادي كل حاجه”.

وأكد:”اللي جاب زيزو للنادي كابتن طارق السيد على ما افتكر ، هو راح من وادي دجله لرحله احتراف وبعدين عاد للزمالك ، احنا لازم ندي كل واحد حقه مش حسين او غيره هو نادي الزمالك احنا مش وان مان شو ، مش رئيس النادي هو اللي بيمتلك كل المفاتيح في ايده هي منظومه متكامله”.

وشدد:”النادي غني باولاده وجمهوره ، جمهور نادي الزمالك يفرح مع احترامي لكل الانديه التانيه ، انا كنت لاعب وموجود وبيشجعوني وكنت بتقهر لما نخسر مع اننا الحمد لله يعني مبنخسرش كهاند بول ، الهاند بول عندنا شديده”.

وأكمل:”احنا كان عندنا تصور ولكن معرفناش ننفذه لاننا ٦ شهور فقط ، احنا كلنا سواء حسين او غيره مهمتنا ان نساعد النادي مالياً ، مش هقول اسماء ولكن في رجال اعمال زملكاويه منتمين اكتر مني ولكن كانوا مستنيين الناس اللي هتقعد وبعدين نبقى وراهم”.

وأتم:”الناس دي مستنيه الواجهه اللي هتبقى موجوده وتسندها ، في بتاع ٣٥ واحد معايا ومش بالضروره انه يدفع من جيبه ولكن في افكار هتجيب الفلوس دي “.

شاهد |